Richard Kruspe

Da Wikipedia, l'ençiclopedia libara.
Va a: navigasion, serca
Arrows-folder-categorize.svg
Sta voxe de mùxica nó xe gnancora stà inseria inte na categoria.
Inserisiła ti steso inte ła/e categoria/e adata. Serca le categorie pì spesifeghe: evita categorie masa generałi come "istoria" o "muxica".
Varda anca 'l elenco de łe voxi sensa gnanca na categoria.
Richard Kruspe

Richard Zven "Scholle" Kruspe (Wittenberg, 24 giugno 1967) l'è un musicista, chitarista e cantante tedesco.

L'è anca conosùo come el fondatore deła band industrial metal tedesca Rammstein e dei Emigrate.

Biografia[canbia | canbia sorxente]

Richard l'è nato a Wittenberg, neła Germania del' Est. El gà do sorele e un fradelo pì veci. I so genitori i gà divorsià quando el gaveva 18 anni. So mare la se gà risposà, ma lu non l'è mia restà a lungo col so patrigno. I se gà trasferii a Weisen quando l'era xovane.

Conosuo anca come Richard Kruspe - Bernstein, cognome deła so ex-moiere Caron Bernstein. Dopo la separasion nel 2004 (cinque anni dopo matrimonio) e el divorzio nel 2006 el so cognome l'è ritornà Kruspe. Nel 1992 xe nata so fiola Khira, che come mare la ga la ex-moiere de Till Lindemann. Dal 2001 el se gà trasferio da Berlin a New York, dò l'abita anca oncò par vivare pì tacà ała so ex-moiere Caron e a so fiola.

Da bocia, Richard el xera un fan dei Kiss. I tosi i scriveva Kiss sui so diari, e se i insegnanti łi vedeva, i gavarìa podudo butarli fora da scola. Quando el gaveva dodexe anni, el gaveva un poster tacà in camera sua, ma el so patrigno geło gà strapà; Richard xe restà alsà tuta ła notte par rimetarlo insieme.

A sedexe anni, Richard el ga comprà na chitara in Cecoslovachia, con l'intension de rivendarla par far schei. Un giorno, in un campo estivo, na tosa el ghe gà domandà de sonarla, dixendo “Sona calcossa! Sona calcossa!” anca se lu a ghe dixeva de non essar bon. Un giorno el gà ciapà queła chitara e el ga tacà a strimpelare, e ała tosa ghe gà piaxudo un mucio. Questo el ghe gà fato pensare co' che 'l podeva fare coła chitara.

El 10 de Otobre 1989, el se gà catà sensa saverlo in mexo a na dimostrasion politica. L'è sta colpìo ała testa e arrestà soło par essar stà presente, e el gà dovudo restare in prexon par sie giorni. Na volta fora, el gà deciso de nar via da ła Germania del'Est. In quel periodo non se podeva abandonare la Germania Orientale, alora l'è nà neła Germania del'Ovest passando par la Cecoslovacchia. Quando xe nà xo el Muro di Berlin, l'è tornà neła Germania Est.

Cariera musicale[canbia | canbia sorxente]

Nel 1991, Richard l'è entrà nei Orgasm Death Gimmicks, grupo che'l sonava musica con forti influense anglo/americane. Dopo el ga fato el tessitore de sésti de vimini con Till Lindemann (che in quel momento el xera baterista nei First Arsch), el ga vissuo con Oliver Riedel (bassista dei Inchtabokatables) e el gà incontrà Christoph Schneider (baterista dei Die Firma). Nel 1992, Richard , dopo aver fato el so primo giro nei U.S.A. con Till Lindemann e Oliver Riedel el se ga reso conto che ła musica che el gaveva fato prima noa faxeva par lu: i gaveva previsto insieme calcossa cołe percussioni e łe chitare rabiose. I quatro i gà tacà a lavorare insieme so on nuovo proxeto. Richard presto el gà catà difisiłe scrivare musica e testi insieme. Un concorso par band l'era stà annuncià in Germania e el premio xera dełe sessioni in uno studio de registrasion. I quattro i gà registrà el primo demo (Schwarzes Glass) e i gà vinto. Dopo Paul Landers li gà conosui e el gà mostrà interesse par la band, e col tastierista Christian Lorenz (so compare nei Feeling B.) i ga completà l'organico del grupo. Nel 2005 Richard el gà dichiarà de voler fare un progeto solista, ciamà Emigrate. L’album, col stesso nome, l'è vegnù fora neł'agosto del 2007.

La scelta del nome[canbia | canbia sorxente]

Richard el gà scelto el nome Rammstein par la so band, comentandolo cussita: "Ramstein xe on disastro e el mondo l'è un acumulo de disastri. Par mi questo ga un senso. Lo go sempre visto in modo produtivo, nel senso che qualcheduno xe pronto ad afrontare veri disastri. Xe un fenomeno normale che intel mondo suceda disastri. Se pol mia dir de no. No importa se xe un uragan o na guera. Ecco parché Rammstein xe na rivendicasion, n'attitudine, un modo de vivare".

Emigrate[canbia | canbia sorxente]

Intel 2005 Richard el gà dichiarà de voler fare un progeto sołista. Nesun altro membro dei Rammstein xe coinvolto. Intel 2007 xe vignù fora el primo album "Emigrate".

Strumentasion[canbia | canbia sorxente]

Richard el ga na chitara personalixà ciamà

  • ESP - LTD RZK-600, e l'è stà el primo chitarista europeo a usare na chitara personalixà.

Altre chitare:

  • ESP Deluxe EC-1000
  • ESP KH-2 signature Kirk Hammett
  • ESP KH-4 Kirk Hammett limited edition
  • ESP Eclipse-II VTB
  • TAKAMINE EF341SC

Amplificatori:

  • SansAmp PSA-1
  • Mesa/Boogie Dual Rectifier
  • Rath Amplification

Voxi corełae[canbia | canbia sorxente]