Raxìa

Da Wikipedia, ła ençiclopedia libara.

Ła raxìa o bestema (dita anca rexìa, bastema, bastiema, bestiema e biestema) ła xe na frase nominałe sołitamente conposta da on nome de divinità o personagi rełigioxi pì un agetivo o on nome comun.

Da sotołinear che ła xe na esprezsion un mucio comun in vèneto e ła se dixe co frequensa, squaxi par intercalazsion. Eco che chi ła perde el significato rełigioxo e ła ciapa pi na conotazsion de pontegiatura. Se pol dir che in vèneto el ponto esclamativo se pol sostituir co na raxìa (intel łengoajo volgar). Ła resta comunque na locuzsion disacrante e poco asè gradita a ła majoransa de ła xente.

Ghe xe documenti piassé antighi che i conta come sta uxansa ła sipia stà difuxa fra i vèneti e i vènezsiani xà intel 1400. A Venezsia ła usava chi pi chi manco tuti in tute łe caste sozsiałi.