Rabín

Da Wikipedia, l'ençiclopedia libara.
Va a: navigasion, serca

El rabín (in el ebraego clàsego רִבִּי ribbi; in el ebraego moderno רַבִּי rabbi) in el giudaismo el signifega "el profesor, el paron" o łeteralmente "el grando". Ła paroła "Rabbi" ("el me paron") ła deriva da ła raixe ebraega "Rav", ciò intel ebraego biblego el signifega "grando" o "distinto" (in ła conosensa).

Intel giudaismo, el rabín el xe un titoło uxà par distinguar quel che el insegna, quel che el ga l'autorità dei dotóri de ła Torah o quel indicà dai capi religioxi de ła comunità. Ancuo i rabini i xe responsabiłi de ła educasion e de ła dimanda dei insegnamenti del giudaismo. A diferensa de łe altre religion, el rabín no el xe un prete, mentre no esendo rigoroxamente nesesario par finire co suceso ła magioransa dei ati del siclo de vita ebrea, come el matrimónio, el bar-mitzva, łe sepolture, ec. I unici ati che i vołe ła partesipazion de un rabín i xe el get (el divórsio) e łe cauxe, łe controversie che łe vołe ła desixion de na corte rabínega.

Inte i giorni nostri, in łarga mexura de ła secołarisazion de ła comunità ebrea, i rabini i ga rołi de ła persona che ła dirige ła magior parte de łe serimonie religioxe. Tutavia, intel giudaismo, no el xe ła figura del "raprexentante de Dio" o de na parsona co un contato spesiałe co Dio, quindi cada individo el xe considerà come dotà de un cołegamento direto co Dio.