Provincia de Groseto

Provincia de Groseto
Stato:	Itałia
Regione:	Toscana
Capoluogo:	Groseto
Superficie:	4.504 km²
Abitanti:	220.742 2006
Densità:	49 ab./km²
Comuni:	Elenco di 28 comuni
Targa:	GR
CAP:	58100, 58010-58055
Prefiso teł:	0564, 0566
Codice ISTAT:	053
Presidente:	Lio Scheggi (Partito Democratico)  13.06.2004
Sito istitusionałe

Pałaso Aldobrandeschi a Groseto (sede deła Provincia)

Ła Provincia de Groseto ła xe ła provincia che ła ocupa intieramente ł'estremità meridionałe deła Toscana e, par estension teritoriałe, ła risulta esare ła pì granda deła rejon; con poco manco de 221 miła abitanti , ła xe na dełe province italiane co ła pì basa densità de abitanti par Km².

Ła confina a nord-ovest co ła provincia de Łivorno, longo la fasa costiera, e co ła provincia de Pixa, 'nte ł'area dełe Cołine Metałifare sud-osidentałi; a nord e a est el teritorio el xe divixo dała provincia de Siena prima dałe Cołine Metałifare sud-orientałi, po' da on trato del fiume Ombrone e dała parte terminałe del so afluente, el fiume Orcia, e infine dal cono vulcanico del Monte Amiata; a sud-est el confine co ła provincia de Viterbo (Łazio) el xe segnà longo ła fasa costiera da ł'ultimo trato del torente Chiarone, mentre 'nte łe xone interne el limite tra łe do province el risulta esare manco definibiłe.

Ła xe bagnà a ovest dal Mar Tireno, include anca łe ixołe meridionałi de ł'Arsipełago Toscano: ł'Ixoła del Giglio, queła de Gianutri e ixołoti picinini non abità, tra cui łe Formighe de Groseto e ła Formiga de Buran.

Ła provincia de Grosseto ła ga, atualmente, on totałe de 28 comuni.