Proverbio

Al proverbio ( la 'l latin proverbium) al è na massima che la à inte norme, judiži, detami o consilji esprimesti in modo curt e, tante olte, come metafora, e i è stati cavadi da la esperjenža comun.De solito i riporta na verità (o quel che la đent la pensa che al sie vera): se diss difati che i proverbi i è fruto de la sageža popolar o de la cosideta "filosofia popolar", ma ghe n'è chi che 'l diss che altro no i è che la version codificada de loghi comuni. I pol contegner similitudini. Metafore e similitudini le gnen ciapade da usi, costumi, legende de la popolažion che la à inventà al proverbio ma tanti i è comuni a parlade diverse. In ogni caso, i representa pur senpre an patrimonio cultural da difender e da salvaguardar, da' che i ne assa an segn de epoche passade, e i ne indica la strada che i à fat i nostri avi.

Al studio de i proverbi al se ciama paremiologia.

A

• A dugar co 'l fogo, prim o dopo se se scota.
• Al can che baja no 'l morž.
• Al can de do paroi al mor da fan.
• Al Diaol al insegna a far le pignate, ma no i querci.
• Al lupo al perž al pel ma no al vižio.
• Al on al propone, Dio al dispone.
• Al tenp e la mort i ne guasta i disegni, e ne toca star fermi co i nostri ordegni.

B

• Beati i ultimi se i primi i è onesti.

C

• Chi che al fa da sé al fa da re.
• Chi che al scanpa al perž la banca, e chi che ghe sa far al se la fa dar.
• Co 'l ingegno e co 'l ingano se passa fora mež al ano, co 'l ingano e co l'arte se passa fora quelaltra parte.

D

• Da San Gregorio Papa le žesile le passa l'aqua.

F

• Fata la lege, catà al inbrojo.

I

• Impara l'arte e metela da parte.

L

• La erba de 'l vesin la è senpre pì fresca.
• La union la fa la forža.
• Le pjante se pol piegarle infin che le è pižole
• La madre de i stupidi la è senpre piena.

M

• Mejo an ovo incoi che na pita doman.
• Mejo viver an dì da leon che žento ani da žeda.

N

• na pjoa de stajon la val de pì de 'n car de oro de 'l paron.
• Non ghe n'è pedo sordo de chi che no ol sentir.
• No desmissiar al can che dorm.

O

• Ogni bel bal al stufa.
• Ogni madaja la à al so revers.

P

• passà al santo, passà al miracol.
• Pita vecia fa bon brodo.

Q

• Quel che man non prende canton de casa al rende.
• Quel che no 'l stroža al ingrassa.

R

• Ride polito chi che ride par ultimo.
• Rosso de sera, bon tenp se spera. Ross de matina, al brut tenp al se ravesina.

S

• Se la gata no la donde a 'l lardo la diss che al è parchè al è ranžio.

T

• Tute le strade le porta a Roma.

Voci colegade

• Aforisma
• Citažion
• Frasi fate
• Paremiologia
• Meteorognostica (Proverbi meteorologici)

Altri progeti

• Su Wikiquote ghe xe dełe citasion de o su proverbi

• Su Wikiquote ghe xe dełe citasion de o su proverbi veneti

• Su Wikiquote ghe xe dełe citasion de o su proverbi italiani