Ponte dei Scalsi
|
Sto articoło el xe scrito in venesian.
|
El Ponte dei Scalsi a Venesia, xe co'l Ponte de Rialto, el Ponte del'Academia, el Ponte de ła Costitusion, uno dei quatro pónti che atraversa el Canal Grando.
Xe dito anca pónte de ła Stasion feroviaria a cauxa de ła visinansa de ła stassion feroviaria de Santa Łusia.
Un primo pónte xe stà reałixà 'ntel 1858 da l'architeto strìaco Alfred Neville soto ła dominasion asburgica, par megiorar l'aceso ała stassion feroviaria recentemente costruìa. Se tratava de un pónte in ghixa a strutura retiłinea, da seno simiłe a queło tirà su pochi ani prima dal steso Neville a l'Academia. L'altésa łimitàda (4 metri) infìrmava el pasagio de inbarcasion alberàe e 'l stil dichiaratamente "industriałe" mal se abinàva esteticamente co'łe struture sircostanti. Ła ghisa inaxonta dopo un fià de ani gà scominsià a dar segni de cedimento strutural in alcuni pónti, par cui el Comun de Venesia xe stà costreto nei primi ani trenta a tor 'na ràpida decixión riguàrdo ała so sostitusión.
El pónte in metało xe stà cussì sostituìo da un novo pónte a singoła arcàda in piera d'Istria patòca, su progeto de l'inxegner [[Eugenio Miozzi (1889-1979). I łaóri de costrusión gà tacà el 4 magio 1932 e 'l pónte xe stà inaugurà péna do ani drìo, el 28 otobre 1934.
Voxe łigàe [canbia]
Altri progeti [canbia]
Su Commons ghe xe dei file multimediałi su Ponte dei Scalsi
