Ponte de ła Piera
 |
|
| I ponti de Verona su l'Adexe | |
El Ponte de ła Piera (it. Ponte Pietra) l'è un vecio ponte de Verona, che traversa l'Àdexe.
[canbia] Storia
Verona al tenpo dei Romani ła gavea do ponti: el ponte Piera (pons marmoreus) e el ponte Postumio, che i tacava ła nova çità romana a sud de l'Adexe coi veci insediamenti pre-romani sułe Torexełe, dove ghèra anca el teatro romano. Sul Postumio, che l'era na s-cianta piesè a val, ghe pasava anca l'aquedoto che da Avexa rifornea ła çità e ła strada Postumia, che naxea fin a Aquiłeja. Pensè che nel toco de fiume tra i do ponti i ghe raprexentava infin dełe bataje navałi, blocando l'aqua del fiume. Deso el ponte Piera l'è l'unico ponte roman restà a Verona.
Nel 1945, i todeschi che scapava via ała fine deła guera i lo gà fato saltar par aria, ma póchi ani dopo l'è stà ricostruìo doparando łe vecie piere tirà su da l'Adexe.
[canbia] Struttura
El ponte l'è fato da çinque arcade, l'è lungo 95 metri e largo 4 metri circa, i materiali doparà jè el marmo bianco par le parti originali, e i cuarèi rosi, par le parti ristruturà (fedełi a l'original) dai scaligeri.
