Pionbi

Da Wikipedia, ła ençiclopedia libara.

I Pionbi i xe ła parte sototeto dełe vecie prexon de Venezsia, che łe se cata 'ntel conpleso del Palazso Ducałe.

Łe risałe al XI secoło, quando al sorgere deła republica marinara el Consejo dei Diexe el ghe rancurava i so prixonieri, inizsialmente detenui inte 'na ała de ł'antico casteło, po 'ntel Trexento łe xe sta spostae inte on novo pleso separà dal casteło dal çełebre Ponte dei Sospiri.

'Nte ł'ubicazsion del Palazso Ducałe łe cełe łe gera ripartie in pozsi, ubicà al pian tereno, particołarmente umide e malsane, e camaroti o pionbi, posti subito soto el teto del palazso costituio da łastre de pionbo, da cui el nome.

A ghe xe sta inprexonà personagi famoxi, fra i quałi Giordano Bruno, Silvio Pellico, Daniele Manin, Nicolò Tommaseo e Giacomo Casanova; st'ultimo el ga dà ai Pionbi 'na vasta notorietà poiché łi ga descriti 'nte łe so "Memorie" e sopatuto 'nten "Storia de quando ca so scapà dai Pionbi", łasandose detaji deła strutura e dełe modałità detentive e el ne ga cuntà come che el xe riusio a scapare 'ntel 1756. Ma forse ł'aspeto pì intaresante deła descrizsion caxanoviana el xe queło rełativo a ł'organizsazsion carceraria del tenpo.

I detenuti i gaveva ł'asistenzsa medica, i podeva farse portar da magnare da ł'esterno o ordinarlo al carceriere e i godevano anca de on'asegnazsion in schei par łe picołe necesità. Con st'ultima i podeva dare comision al carceriere el quałe el doveva rendare conto. I podeva anca farse portar mobiłi e łeti, piati e cusì via. Łe pułizsie deła ceła łe gera fate regołarmente cusì come a gera consentia 'na pasejata quotidiana fora dała ceła, ma senpre 'ntel sototeto. Tuto questo avegneva ała metà del '700 'nte i camaroti. Casanova el descrive de fuga anca ła situazsion 'nte i cusiditi pozsi, situazsion asai pezsor par chi ca ghe gera sarà drento. Probabilmente a ghe gera 'na notevołe discrezsionałità non soło 'nte ł'irogazsion deła pena ma anca 'nte łe modałità executive.