Pianoforte preparà

Da Wikipedia, l'ençiclopedia libara.
Va a: navigasion, serca
Christian Wolff

Un pianoforte preparà xe un pianoforte el cui son xe stà modifegà inserindo vari ogeti intra łe so corde. L'idea de canbiar el tinbro de un strumento co' l'uxo de ogeti esterni xe stàda aplicàda ad altri strumenti oltra al pianoforte: se veda par exenpio ła chitara preparàda.

Nei tòchi par piano preparà se inserisse intra łe corde del pianoforte svarìai ogeti, in modo che ł'executor produxa soni che xe del tuto ultrònei. Xe un studio su ła conbinasión del tinbro: el conponidór indica ła preparasión del strumento, ma no'l decide el rexultado sonoro patòco de ła òpara. Se xenera soni che sugerisse el son prodoto da 'na łoquèstra de percussión. Xe un siménto nei riguardi de l'inviołabiłità dei strumenti classici.

Storia[canbia | canbia sorxente]

I primi esperimenti de piano preparà risałe ad Erik Satie, che 'nte l'òpara Le Piège de Méduse. Sept pièces pour piano ("Ła tràpoła de Cono de Mar. Sete tòchi par pianoforte") gà inserìo par ła prima volta ne ła cassa armonica del piano dei ogeti (tocheti de carta, stricołete de metało ed altro) che, vibrando insénbre ałe corde co' staltre vegniva martełàe, modifegava el son produxendoghene naltro sofistegà. Drìoman el conponidor statunitense Henry Cowell ga conponesto tòchi par piano dove che bexognava sonar łe corde coi dèi e co' barete de metało, e po' 'ntel 1940 xe stàda ordenàda a John Cage 'na musica par el bałéto Bacchanale: qui par ła prima volta Cage prova cosientemente ła tecnica del "piano preparà" piasando 'na piàstra de metało su łe corde, cussì da modifegàr el tinbro del strumento e prodùxer soni percusivi.

Voxe łigàe[canbia | canbia sorxente]