Perar

Da Wikipedia, l'ençiclopedia libara.
(Rimando da Peraro)
Va a: navigasion, serca
Sto articol al é scrit in belumat
Nuvola apps bug2.svg
Perer
Pyrus-urumiensis.JPG
Fioritura di Pyrus urumiensis
Clasificasion sientìfega
Domìnio: Eukaryota
Regno: Plantae
Sotoregno: Tracheobionta
Superdivixion: Spermatophyta
Divixion: Magnoliophyta
Clase: Magnoliopsida
Sotoclase: Rosidae
Órdene: Rosales
Fameja: Rosaceae
Gènare: Pyrus
Spece: Pyraster
Specie
Segui el Projeto Fórme de vita


Pjantade de perer
An perer
Peri coti 'ntel vin
El peraro
Fiori de peraro

El perer o piraro el xe na pianta deła fameja dełe Rosaceae (nome sientifego Pyrus communis) dito in todesco Birnenbaum, in inglese pear tree, in taljan pero. El vive fin a 1000 metri de quota.

A 'l stato salvarech al è an frutice spinoss alt fin a qualche metro de alteža. A 'l stato coltivà al pol presentarse come an albero mediocre, ma ten žerti casi al pol donder la diesina de metri de alteža.

Al fa mažet de 'n fior central contornà da altri žinque. De solito i è bianchi. I inseti i è poch tiradi da i fior parchè i à an netare co na concentražion de žucheri pitost scarsa, sichè a fronte de na gran bela fioridura solche na minima part de fruti la se inmaneghea.

Le foje le è lanceolade, poch seghetade, da 'l vert de i bisi a 'l vert bandiera. Te la part par de sot le pol presentar peluria, ma ten quela de sora le è patinade.

La scorža vecia la è ruvida e scura, ma la butada de an la è slissa, da 'l biso a 'l gial a 'l maron-ross, co i oci distanti diversi schei.

I fruti i à na sagoma tendenžialmente longa, pì fini arent a 'l manech e pì grossi te la parte bassa, co entro an numero de žiess multiplo de žinque. La pasta la è granulosa. A la maturažion fisiologica i fruti de quasi tute le qualità i ciapa an color maron te la polpa e i gnen dolži forte. I per che se cata te 'l marcà i è al risultato de 'l inbastardament de diverse qualità ancestrai catalogade come sotspece de 'l perer.

Te i ultimi ani na sotspecie che la à incuriosì in maniera particolar i consumadori la è stata al Pyrus pyraster pyryfolia, cognossesta anca come nashi o per de 'l Giapone. In realtà no i è altro che de i per che i à na sagoma tonda come quela de i pon.

Al legn de i perer al è tra al rosa e 'l gial. Al è dur ma al se sgioa facilmente. Al gnen doperà raramente par far manech de atreži per la cosina e par la falegnameria. Qualche olta anca par far žerte robe de mobilia.