Paul McCartney
Sir James Paul McCartney (Liverpool, 18 de giugno 1942) xe un cantante, conpoxidor, muxicista, polistrumentista, produtor discografego e çinematografego, scienegiator britanico.
Altre so atività łe xè quełe de ator, pitore e ativista par ła difexa dei diriti dei animałi.
Rivà a ła fama internasionałe come basista inte i Beatles insieme có John Lennon, George Harrison e Ringo Starr. Có Lennon el ga formà ła cubia de conpoxidori de magior suceso e influensa scrivendo serte de łe canson pì amae inte ła storia de ła mùxega contenporanea[1].
Dopo i Beatles, el ga formà i Wings có ła so prima mujere, Linda McCartney, el conpoxidor Denny Laine e altri muxicisti. In seguito el gà laorà da sołista conponendo anca cołone sonore, mùxega colta e mùexga ambient, publicando na caterba de singołi e ciapando parte ativamente a projeti de sostegno ad asociasion benefiche internasionali.
Paul McCartney, pare de ła stiłista britanica Stella McCartney e grande tifoxo del Everton, l'è anca ricordà par esare on sostenitor del vexetarismo, dei diriti dei animałi e de l'educasion mùxicałe inte łe scołe; l'è anca on sostenitor de łe canpagne contro łe mine antiomo, ła cacia a ła foca e el debito del Terso Mondo.
Có un patrimonio de 660 miłioni de dołari inte'l 2010 el xè, secondo Forbes, el cantante pì rico del mondo[2].
Altri projeti[canbia]
Su Commons ghe xe dei file multimediałi su Paul McCartney
Su Wikiquote ghe xe dełe citasion de o su Paul McCartney
Note[canbia]
- ↑ The Lennon-McCartney Songwriting Partnership. bbc.co.uk, 4 novembre 2005. URL consultà el 28 ottobre 2009.
- ↑ I 10 cantanti pì richi del mondo
