Paso deła Borcoła

Da Wikipedia, l'ençiclopedia libara.
Va a: navigasion, serca

El Paso deła Borcoła el xe un paso, a 1207 metri, fra el Veneto, Val Posina, e el Trentin, Val Teragnoło. A ovest ghe xe el Pasubio e a est el Coston dei Laghi e Monte Magio; de lì ghe paxa el Troso Eoropeo E5, ke'l va dal Lago de Costansa al Mar Adriatico. Da poco soto el paso, da na parte nase el torente Leno de Teragnoło, ke'l va a butarse 'nteł'Àdexe, dał'altra el torente Posina, ke se buta drento l'Astego. Na volta el xera al confin fra el Tiroło e ła Serenisima Republica (ghe xe un cipo, difati), deso el divide ła provincia de Trento da queła de Vicenza. Par rivarghe, se se vien dal Veneto, ocore ndar fora dał'autostrada a Piovene Rochete e ciapar su par la Val Posina. Se se vien dal Trentin, se va fora dał'autostrada a Rovereto e se va in su par ła Val Teragnoło.

El principe Eugenio de Savoia

'Ntel 1701 el xe sta doparà dał'esercito inperiałe menà da Eugenio de Savoia, par vegner xo in Veneto a conbatere i Francesi durante ła Guera de Sucesion Spagnoła.

El Capo de Stato Magiore tałjàn 'nteła Prima Guera Mondiałe, Luigi Cadorna
El Capo de Stato Magiore austriaco 'nteła Prima Guera Mondiałe, Franz von Hoetzendorf

'Nteła Prima Guera Mondiałe, fra el 1915 e el 1918, el xera suł teatro dei conbatimenti fra Austriaci e Tałjàn (el 22 de majo del 1916 el xe sta ocupà dała 7. brigada alpina austriaca, durante l'ofensiva ke gavaria portà i Austriaci fin a Arsiero).