Partito pułitego

Da Wikipedia, ła ençiclopedia libara.

On partito pułitego el xe on'asociazsion tra persone acomunae da 'na stesa finałità pułitega overo da 'na comune vixion su question fondamentałi deła gestion deło Stato e deła società o anca soło so temi specifeghi e particołari. Ł'atività del partito pułitego ła se esplica 'nte ło spazsio deła vita publica e, 'nte łe atuałi democrazsie rapresentative, ła ga par "anbito prevałente" queło ełetoral.

[modifica] Definizsion e funzsion

Secondo Max Weber, «par partiti a se deve intendar łe asociazsion costituìe al fine de atribuir ai propri capi 'na poxizsion de potenzsa a drento on grupo sociałe e ai propri miłitanti ativi posibiłità par el perseguimento de fini ojetivi e/o par el perseguimento de vantaji personałi». Inte ła definizsion del połitołogo mericao Anthony Downs el partito pułitego el xe «'na conpagine de persone che łe zserca de otegner el controło de ł’aparato governativo a seguito de regołari ełezsioni». I ełementi zsentrałi dełe definizsion łe xe dunque:

• El partito eò xe on’asociazsion;
• El fine del partito el xe de influenzsar łe decixion publiche;
• I scopi del partito i xe otegnui prinzsipalmente atraverso ła partezsipazsion ałe ełezsion;
• Ła strategia prinzsipal ła xe ł’ocupazsion de cariche ełetive.