Papa Pio VI

Da Wikipedia, l'ençiclopedia libara.
Va a: navigasion, serca
Pio VI
Papa deła Ciesa catolega
Imagine de papa Pio VI
'
Stema pontificio de Pio VI
Al secolo: Giovanni Angelo Braschi
Nato Cesena, 25 de diçenbre 1717
Elesion
al pontificato
15 de febraro 1775
Consacrasion: 22 de febraro 1775
Fine del
pontificato:
29 de agosto 1799
Segretario
personale:
{{{segretario}}}
Predecesor: papa Clemente XIV
Sucesor: papa Pio VII
{{{note}}}
Antipapi: {{{antipapi}}}
Elenchi dei papi: cronologico · alfabetico
uso tabella

Pio VI, nato Giannangelo Braschi (Cesena, 25 de diçenbre 1717 - Valence, 29 de agosto 1799), el xe sta papa dal 1775 alla sua morte.

Ła vita[canbia | canbia sorxente]

El Braschi el xe nato a Cesena (FC) el 27 de diçenbre 1717 dal conte Marco Aurelio Tommaso Braschi e da Anna Teresa Bandi. Dopo aver conseguio el dotorato en legge el se ga trasferìo a Ferara, dove el xe diventà segretario personałe del Cardinałe Ruffo, nei cui vescovadi de Ostia e Velletri el ga coverto ła carica de uditore fin al 1753.

Ła so perisia ntel condure n'importante mision ała corte de Napołi ła ghe xe servìa par guadagnarse ła stima de Benedetto XIV, che ło ga nominà so segretario e canonico de San Piero. Ntel 1758 Clemente XIII lo ga nominà prełato e ntel 1766 texoriere deła camara apostołega. El 26 de apriłe 1773 el xe sta promoso Cardinale de Sant'Onofrio.

Eleto Papa 'ntel 1775, 'nte i ultimi ani de pontificato el se ga scontrà con ła Rivołusion Fransexe. Tuti i posedimenti deła cexa in Fransa i xe sta confiscà e el so ritrato bruxà dała foła 'ntel Pałaso Reałe de Parigi.

'Ntel 1796 Napoleon el ga invadesto ł'Italia e costreto el papa a ł’umiliante armistisio de Bołogna: Pio VI el ga dovesto dare Bołogna, Ferara e Ancona, versare 21 miłioni de scudi e consegnare numeroxe opare d’arte. Quando po' el papa el se ga łigà co ł'Austria, che ła gera drio formare 'na coałision contro ła Fransa, Napoleon el xe riusio a portare dała propria parte Ferdinando I de Napołi che, co on ato arbitrario, el ga ordinà de invadare i feudi papałi 'ntel so teritorio. Ł'esercito pontificio el xe sta sconfito (10 de febraro 1797) e el 18 febraro i fransexi i ga sachejà el Santuario de Loreto. El Pontefice el xe sta perciò costreto a firmare el Tratato de Tolentino (febraro 1797), che el ghe xe costà altri 25 miłioni de scudi e numeroxi ogetti d’arte.

Ła situasion ła xe pejorà el 28 de diçenbre deło steso ano, quando, ntel corso de on tumulto el generałe Duphot el xe sta copà, e questo el ga dà el pretesto ai fransexi par ocupare Roma.

El 15 de febraro 1798, el papa el xe sta deposto e proclamà ła republica.

Pio VI el xe sta fato subito prexoniero e, el 20 de febraro el xe sta scortà dal Vaticano a Siena, dove el xe restà tri mixi, e quindi ała Certoxa de Firense, dove el xe sta segregà ntel convento. Nel marso del 1799 el xe sta prima trasferio a Bologna, po' in Fransa, prima a Grenoble, po' el 19 de lujo el xe sta inciavà drento ła forteza de Valence, capołogo deła Drôme. Pio VI el xe morto in prexon el 29 de agosto deło steso ano.