Paéxi Basi
Da Wikipedia, ła ençiclopedia lìbara.
| Paéxi Basi | |||||||||
|---|---|---|---|---|---|---|---|---|---|
|
|||||||||
| Motto: Je Maintiendrai (Tradusion: mantegnarò) |
|||||||||
|
|
|||||||||
| Informasion | |||||||||
| Nome par intiero: | Regno dei Paéxi Basi | ||||||||
| Nome ufisiałe: | Koninkrijk der Nederlanden | ||||||||
| Łéngoa uficiałe: | nederlandexe, frixon 1 | ||||||||
| Cavedal: | Amsterdam 2 (738.763 ab. / 2004) | ||||||||
| Polìtega | |||||||||
| Governo: | Monarchia parlamentare | ||||||||
| Capo de stato: | Beatrice dei Paesi Bassi | ||||||||
| Capo de governo: | Jan Peter Balkenende | ||||||||
| Indipendensa: | Da ła Spagna 26 de lujo 1581 (proclamà) 30 de genaro 1648 (riconosùa) |
||||||||
| Ingreso a l'ONU: | 10 de diçenbre 1945 3 | ||||||||
| Area | |||||||||
| Totale: | 41.526 km² | ||||||||
| Pos. nel mondo: | 131° | ||||||||
| % delle acque: | 18,41 % | ||||||||
| Popolasion | |||||||||
| Totałe: | 16.318.199 ab. (2004) | ||||||||
| Pos. nel mondo: | 59° | ||||||||
| Densità: | 481 ab./km² | ||||||||
| Giografia | |||||||||
| Continente: | Europa | ||||||||
| Fuxo oràrio: | UTC +1 | ||||||||
| Economia | |||||||||
| Vałuta: | Euro 4 | ||||||||
| Varie | |||||||||
| TLD: | .nl | ||||||||
| Prefiso tełef.: | +31 | ||||||||
| Sigla autom.: | NL | ||||||||
| Ino nasionałe: | Het Wilhelmus | ||||||||
| Festa nasionałe: | 30 de apriłe | ||||||||
|
|
|||||||||
| 1 Baso Tedésco e Limburgéxe i è łéngue regionałi uficiałi 2 L'Aja ła xe ła sede del governo. 3I xe uno dei 51 Stati menbri che i ga dà vita a l'ONU 'ntel 1945. 4 Prima del 2002: Fiorin |
|||||||||
I Paéxi Basi (Nederland), spéso indicai cofà Ołanda, i xe un Stato de l'Europa osidental confinante a sud col Belgio, a est co ła Germania e a nord e a ovest col Mar del Nord. I costituise ła parte prinsipal del Regno dei Paéxi Basi, che'l conprénde anca łe ìxołe caraìbiche de łe Antiłe Ołandéxi e de Aruba.
I Paéxi Basi i xe uno dei stati pi densaménte popołai al móndo e i xe famóxi parché el teritorio el xe in bóna part robà al mar e par ła łejislasion łiberal in canpo social (a es. riguardo ła sfera sesual e qûeła de łe droghe). El łivel de vita dei abitanti el xe considerà infra i mejo del móndo.
Ła capital ła xe Amsterdam, ma el governo, el parlamento e ła rexidénsa del sovran i xe tuti a L'Aia (Den Haag), onde che i ga pure séde ła Córt Internasional de Justisia e el resenteménte istituìo Tribunal Penal Internasional. Atualmente el sovran l'é ła regina Beatrice, méntre el primo ministro el xe Jan Peter Balkenende.
Indice |
[modìfega] Paéxi Basi o Ołanda?
In maniera sìmiłe a qûeło che sucéde pa'l Regno Unìo che'l vien spéso indicà cofà Inghiltera, i Paéxi Basi i vien comuneménte indicai col nome de Ołanda (Holland), che propiaménte l'indicarìa sol la part pi popołà del paéxe, ovéro łe do province de l'Ołanda Setentrional (Noord-Holland) e de l'Olanda Meridional (Zuid-Holland).
[modìfega] Storia
Sotomesso da Giulio Cesare nel I secolo a.C., el sud dei Paesi Bassi el ga costituìo la frontiera del mondo romano fin a la disgregazion de l'Inpero.
Indopo nel paese ghè 'ndà a starghe i Sassoni e i Franchi. Ne l'VIII secolo i Paesi Bassi i fasea parte del Sacro Romano Inpero fondà da Carlomagno. Sucesivamente xe vegnù su vari prinsipadi semi-indipendenti, che i xe restà formalmente sudditi de l'Inpero fin al XV secolo, quando i xe passà soto el controlo direto de la fameja inperiale dei Asburgo.
Nel XVI secolo la popolazion olandese la ga acolto ben la Riforma protestante. L'inperador Carlo V el ga finìo par acetare la situazion, ma a la so morte (1558) l'intransigenza del so erede Filipo II (re de Spagna) la ga provocà na rivolta. Dopo na longa guera, conossiùa come Guera dei Otant'ani, la Republica de le Sete Province Unìe la xe deventà na realtà.
Nel XVII secolo i olandesi i ga fondà un mucio de colonie in India, Indonesia e ne le Meriche, i cui commerci i xera manegià da la Conpagnia Olandese de le Indie Osidentali. Fatostà però che el secolo el xe finiò co na serie de guere che ga segnà la fine de l'espansion dei Paesi Bassi.
El successivo XVIII secolo el xe sta relativamente chieto fin a la Rivoluzion francese del 1789: póchi ani dopo i francesi i ga invadesto i Paesi Bassi, dove i ga costituìo prima la Republica Batava e indopo el Regno de Olanda, finché non i li ga unìi a la Francia.
El Congresso de Viena el ga restaurà el Stato olandese, trasformandolo in monarchia. El regno el ga perdùo vari posedimenti estraeuropei, ma ghe xe sta unìo el Belgio e el Lusenburgo. Sta situazion no la xe mia 'ndà vanti tanto: nel 1830 el Belgio el ga otegnù l'indipendenza fasendose jutar dai francesi e nel 1890 anca el Lusenburgo el xe deentà indipendente.
I Paesi Bassi i ga proclamà la so neutralità in tute do le guere mondiali. Ne la prima guera mondiale i altri paesi i la ga sostanzialmente rispetà. Inveze ne la seconda guera mondiale el paese el xe sta ocupà da la Germania nazista nel corso de la Canpagna de Francia (majo 1940); nel 1942 anca l'Indonesia la xe sta ocupà dal Giapon. La liberazion la xe rivà nel majo 1945.
Nel 1948 i Paesi Bassi i ga formà l'union doganal del Benelux con Belgio e Lusenburgo. A partir dal 1949 i Paesi Bassi i ga dovesto rinunciar a gran parte del so inpero colonial. Grazie anca ai aiuti statunitensi del Piano Marshall la perdita de le colonie no la ga porta dificoltà economiche, anzi l'economia olandese la ga traversà na fase de rapida crésita.
Da 'lora la politica estera olandese la xe dominà da l'inpegno a crear o rinforzar le istituzion internazionai de cui i fa parte, come l'ONU, la NATO e l'Union Europea.
[modìfega] Giografìa
Ła caraterìstica prinsipal de la giografìa ołandéxe ła xe ła piatésa del teritorio: sérca el 50% de ła superficie el xe a manco de 1 metro sóra el livel del mar. Na caéna de dune e dighe łóngo łe coste e łe rive dei fiumi prinsipałi ła inpedise che ste xone łe vegne inondae, méntre numaróxe stasion de ponpajo łe provéde a rimòvar l'aqua piovana in eceso.
Ła łota par cavar el teritorio al mar e ai fiumi el xe uno dei temi ricorénti de ła storia e de ła giografìa ołandéxe. Defati bóna part del teritorio ła xe costituitìa da pólders, overo da teren cavai al mar o a lagune e pałude costiere.
El punto pi ełevà dei Paéxi Basi el xe el Vaalserberg (321 m s.l.m.), inte l'estremo sud-est del paéxe.
[modìfega] Idrografia
I Paesi Basi i xe divisi in do parti prinsipai da un sistema inbrojà de fiumi che el scuminsia da la Schelda, e soratuto da la Mosa e dal Reno, che in trritorio olandese i forma un delta conplicà, i cui rami piasè inportanti i xe noti come Waal, Lek, IJssel e Amstel.
Sta division la xe rilevante anca dal punto de vista cultural, come evidenzià dai difarenti dialeti parlè nel nord e nel sud, e 'ncora piasè da la predominanza catolica ne la region a sud dei fiumi e protestante calvinista nel nord, in particolare ne le province frisone a nord de l'IJssel.
La giografia olandese la ga patìo evoluzion consistenti in età storica. Nel 1287 na granda tonpesta la ga travolto le dune costiere e la ga parmésso al mar de riversarse ne l'interno del Paese, formando el golfo noto come Zuiderzee. Nel 1932, con la costruzion de la diga ciamà Afsluitdijk (diga de sbaramento) fra la Frisia e l'Olanda Setentrional sto golfo el xe sta de novo separà dal mar e trasformà nel lago IJsselmeer, che indopo el xe sta in parte sugà, formando la provincia de Flevoland.
[modìfega] Clima
El clima dei Paéxi Basi el xe oseànego tenparà. I inverni no i xe esesivaménte frédi: ła tenperadura media a Xenaro ła resta de calche grado sóra el xero, anca se łe ingełae łe xe frequénti. L'istà ła xe frésca e piovóxa, có tenperadure media a Łułio de poc sóto i 20°C.
[modìfega] Sitadenansa
ła sitadinansa l'è ùniega (tuti i abitanti i ga sitadinansa olandéxe e donca i xe anca sitadini UE) ma ogni Stato el ga na monéda sua: i Paexi Basi i dopra l'Euro (prima i gavéa el Fiorin olandéxe), mentre łe Antiłe Olandéxi łe ga mantegnesto el fiorin de łe Antiłe Olandexi e Aruba l'à mantegnùo el Fiorin de Aruba.
I xe drio discùter su riforme da far a ła federasion.
[modìfega] Stati de ła Federasion
- Paéxi Basi europèi - divixi in 12 provinse
- Antiłe Ołandexi - divixe in 5 teritori
- Aruba - na ìxoła soła.
Na particołarità: uno de sinque teritori che fórma łe Antiłe Olandexi el xe Sint Maarten, cioè metà de na ìxoła condivixa co ła Fransa: l'altra meza ìxoła, defati, ła ga nome Saint Martin e esendo parte conpleta de ła Fransa, l'à come scheo l'Euro e no el fiorin de łe Antiłe.
| Stati del mondo | Eoropa |
 Albania |  Andora |  Austria | .svg){kind=small} Belgio |  Biełorusia |  Bosnia e Erzegovina |  Bulgaria | .svg){kind=small} Sivro |  Croàsia |  Danimarca |  Estonia |  Finlandia |  Francia |  Germania |  Grecia |  Irlanda |  Islanda |  Itałia |  Łetonia |  Liechtenstein |  Łituania |  Lusenburgo |  Republica de Macedonia |  Malta |  Moldavia |  Prinsipato de Mònaco |  Montenegro | Norvegia |  Ongarìa |  Paéxi Basi | .svg){kind=small} Połonia |  Portogało |  Regno Unìo |  Republica Ceca |  Romania |  Rusia |  San Marin | .svg){kind=small} Servia |  Slovachia |  Slovenia |  Spagna |  Svezia |  Svissera |  Turchia |  Ucraina |  Vatican |
| Altri tereni |
|---|
| Akrotiri e Dhekelia · Ixołe Fær Øer · Gibiltera · Jan Mayen · Ìxołe del Canal · Ixoła de Man · Svalbard |
 |
Stati membri de l'Union Europea | |
|
|
||
| NATO - North Atlantic Treaty Organisation | ||||
|---|---|---|---|---|
Albania · Belgio · Bulgaria · Croàsia ·  Canada · Danimarca · Estonia · Germania · Grecia · Islanda · Itałia · Łetonia · Łituania · Lusenburgo · Norvegia · Paéxi Basi · Połonia · Portogało · Regno Unìo · Republica Ceca · Romania · Slovachia · Slovenia · Spagna ·  Stati Unìi · Turchia · Ongarìa |
||||
