Pałaso Mocenigo (Zueca)

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Particołar de ła fasàda, co' monofore del pian nobiłe e luminàl

'Pałaso Mocenigo xe 'na architetura de Venesia, logàda 'ntel sestièr de Dorsoduro, a ła Zuèca, a sànca un puòco più in là de ła cexa de łe Zitełe, e afasàda su'l Canal de ła Zuèca.

Storia[canbia | canbia sorxente]

Sto pałaso gera 'na dimora "de canpagna" de ła famegia Mocenigo, fabricà 'ntel XVI secoło, quando ła Zuèca xera un logo indove poderse reposàr in vacansa: infati par ch'el doxe Alvise Mocenigo pasase l'istà in sto pałaso.

Intra el XVII e 'l XIXsecoło el pałaso xe stà rimanixà, perdendo un mucio de ełementi carateristici e rivando ad aver l'aspeto che gà al dì d'ancùo. Ancùo, modifegà in modo pexòco nei so interni, xe sede de nùmaroxi mini-partaménti.

Descrision[canbia | canbia sorxente]

Particołar de ła fasàda, co' monofore del pian nobiłe e luminàl

Pałaso Mocenigo xe un edificio de do piani, co' 'na fasàda sviłupàda in longhésa: ła so superficie xe a bugnato in pièra d'Istria.

El primo piàn xe verto da 'na serie de fenestre picenine quadrangołari, indove che al çentro se trova el portàl, cèo e descónso (tanto rimanixà rispèto a queło orixinàl, ancora intriégo 'ntel XVIII secoło, come che xe stà testimonià da 'na incixion de Coronnelli).

In poxision squaxi çentral, su'i còpi, ghe xe un liminàl otoçentesco, che stona co'łe łigne de ła fasàda su'l canàl.

Ła fasàda sud xe ben conservàda e se afasa su'l xardìn privà del pałaso, testimoniansa de l'antigo aseto de łe pałasine che 'ntel XVI secoło i nobiłi venesiani se faseva costruìr: infati ła Zuèca xera area de xardìni e loghi dove ritirarse pa'l repòso e 'l studio.

Bibliografia[canbia | canbia sorxente]

  • Marcello Brusegan, I palazzi di Venezia, Newton Compton 2007, p. 242-3.

Altri progeti[canbia | canbia sorxente]