Pónte dei pugni
El Pónte dei Pugni xe un pónte de Venesia, a Dorsoduro, darénte a Canpo San Barnaba.
I venesiani de dó sestieri se catava e i se sfidava in zughi, anca lota. De sòłito ghe jera quei che stava de caxa a Casteło, San Marco, Dorsoduro, San Nicołò dei Mendícołi, Santa Cróxe, San Poło e Canarégio.
[canbia] Descrisión e storia
Sto pónte prexenta su quatro vertici de ła pavimentasión de ła somità quatro inpronte de pìe in pièra d'istria e ciapa sto nome da 'na antiga tradisión de Venesia da secołi sbandonàda: ła Guera dei Pugni. I abitanti de do frasión averse, i Castełani de San Piero de Casteło e i Nicołoti de San Piero dei Mendicołi, se scontrava a pugni so ła parte sòra del ponte. Dal mexe de setenbre a Nadal i Castełani e i Nicołoti se sfida a colpi de pugni so i ponti de ła çità, che a quel tenpo gera squaxi tuti sensa ringhiere in banda, prima i canpioni in dueło po' in risa[1]. Ghe xe infati, anca se manco çełebre, naltro Ponte dei Pugni visin al Canpo de Santa Fosca 'ntel sestièr de Canaregio, anca staltro gà łe inpronte dei pìe in pièra d'Istria. Inaxónta, gera stài utiłixài altri pónti cofà canpo de batàgia ne łe guere dei pugni.
El fin del "xogo" gera queło de butàr i aversari 'ntel rio danànsi. Vinseva ła squadra che riusìva a tegnir i so omeni so'l ponte. 'Ntel 1705 gera stài proibìi i scontri dopo che pròpio in queł'ano ghe xe stà uno dei più cruenti scontri, in cui dai sołi pugni se xe pasà ai cortełi.
[canbia] Altri progeti
Su Wikisource ghe xe el poemeto anonimo La guerra de' Nicolotti e Castellani dell'anno 1521
- Su Wikisource ghe xe la poesia de Attilio Sarfatti La lota dei pugni
