Montona
Montona la xè un picolo borgo medioeval, bastansa ben conservà, a 277 metri so'l livel del mar propio inte'l cor de l'Istria. Montona par secoli la xè stada estremo baluardo de la Republica de Venesia e so aleà fedelisima.
Difati Montona la gà fato parte de la Republica de Venesia dal 1278 al 1797.
Se segnala inoltre che ai pie de la colina su la quale se erxe inte la so fieresa Montona ghe xè un gran bosco, che'l xè ciamado "el Bosco de San Marco". Soto Venezia sto bosco el jera tanto inportante par 'l arsenal, par la costrusion de le galee e par costruir le fondamenta dei stesi palasi venesiani.
Dopo alterne visende beliche, e in seguito al tratado de pase del 10 de febbraio 1947 sirca el 98% de la popolasion el gà preferido molar caxe e tereni e emigrar.
I exuli montonexi inte'l 1953 i gà costituido a Trieste na asociasion de nome "Famiglia Montonese"
[canbia] Persone che xè famose
- consoli romani: Manlio Emilio Lepido, Tito Statilio Sisena Tauro, Lutio Quinto Crispino, Marco Vinitio
- Andrea Antico da Montona, xè stado chierico, muxicista e stanpador tra el 1400 e 'l 1500 par Venesia e par i Papi
- Girolamo Polesini, profesor de Dirito Sivile a l'Università de Padova inte'l 1500
- Girolamo Diviacco, cancelier del Stato Veneto durante el 1500
- Josef Ressel, inventor, el gà visudo par un serto periodo a Montona inte'l 1800
- Mario Andretti, el gà vinto el canpionato mondiale de Formula 1 inte'l 1978
- prof. Loris Premuda, profesor de Storia de la Medexina a l'Università de Ferrara e sucesivamente de l'Università di Padova
- Steno Premuda, muxicista
