Monte Kenya

El Monte Kenya, con i so 5.199 metri (Cima Batian, l'altra ponta xe Ponta Lenana 4.958 metri), xe la seconda cima de l'Africa. El nome vien dal kikuyu, la lengua de i kikuyu, el popolo che vive a rente del monte Kenya. I kikuyu i ciama el monte kerinyaga, che vol dir la montagna de lo struzo (co che gha l'ovo). Se se guarda el monte da sud, el ga la forma de la femena de struzo quando la se cucia par rigirar l'ovo en tel nido. El bianco che se vede xe un giazaro che ora el xe drio scomparir. Ne la tradision kikuyu, Dio (Ngai) el vive sul monte Kenya.