Mona

Da Wikipedia, ła ençiclopedia lìbara.

Mona xe na parola volgare che ła deriva dal łatin mea domna, cioè ł'organo genitałe de łe fémane. Al feminiłe ła significa apunto 'na parte del corpo de ła dona, ma dita al maschiłe ła xe un sinònimo de baùco, insemenìo, e insocà, e ła se riferixe a on omo che el xe on fià lento a rivarghe o che 'l sbaja masa robe.

"Va' in mona" se dixe a un che l'è drio romper, la xe la stesa roba de mandar un a quel paese.

Uno che de la mona el ghe na fato un mestier l'è stà Tinto Brass, l'è partio dai film politici e dopo l'ha fato un cinema tuto suo che l'è un mesioto de mona e Venesia, a dir la verità el se slarga speso in giro par el Vèneto.

Par noialtri veneti sta parola la diventa un zugo quando la sentemo dita in altre lengue con altri significati, come i spagnoli che i ciama così le simie e anca l'è un nome proprio de done in Merica, nei Stati Uniti e anca piasè in zo. Se ride e no se spiega mai parchè.

Anca in Norvegia "Mona" xe nome de dona, ma jera anca nome de omo. Ghe jera un'atrice mericana che se ciamava Mona Freeman. A Viena ghe xe (o ghe jera) una botega che gaveva come insegna "Mona". Anca i Longobardi gaveva el nome Mona. San Mona xe un patron de Milan. Ma se vede che co i secoi i Venesiani, co i jera a Bergamo, i li ga disuasi de tramandar quel nome.