Mika Salo

Da Wikipedia, l'ençiclopedia libara.
Va a: navigasion, serca
Mika Salo
Mika Salo 2007 (crop).JPG
Flag of Finland.svg Finlandia
Cariera in Formula 1
Stagioni 1994-2000, 2002
Scuderie Lotus, Tyrrell, Arrows, BAR Ferrari, Sauber Toyota
Risultato mejo 10° (1999)
GP disputà 109
GP vinti 0
Pole-position 0

Statistiche

Sircuiti | Fornitori | Gran Premi | Persone | Piloti | Scuderie | Stagioni | Machine

Tute łe voxe su ła Formula 1

Mika Salo (Helsinki, 30 de novenbre 1966) xe un pilota automobilistego finlandese, ex-pilota de Formula 1.

La so cariera en Formula 1 ła scominsia co scuderie pì picołe, dove el se fa notar par alconi exploit, anca se isołai.

I primi ani en Formula 1[canbia | canbia sorxente]

A Montecarlo, 'ntel 1997, el riva 5° 'ntel GP dominà dała Ferrari de Michael Schumacher soto ła piova, par ła prematura interusion deła corsa: sto risultà el xè stà dovuo al gaver fato l'intero GP fin ała sospension sensa far pit-stop: cusità al ga posuo risałir ła clasifega. Quei xè stai i unixi do punti de l'ano sia par Mika sia par ła Tyrrell, i ultimi punti deła gloriosa scuadra inglese.

'Ntel 1998 Salo forma, con Pedro Diniz, ła copia de piłoti del'Arrows, revitałisada da Damon Hill l'ano prima ma mołada dal motorista Yahama e sensa pì el vantajo deła gomatura Bridgestone. I unixi punti de Salo i xe vegnui, come l'ano prima, dal Gran Premio di Monaco doe, causa tanti ritiri inportanti e on arrivo co soło 11 piloti, el xè rivà quarto (davanti anca al canpion del mondo Jacques Villeneuve).

El 1999[canbia | canbia sorxente]

Par el 1999 Salo nol gha on ingajo inisial inte on team de Formula 1.

Rinpiaso ala BAR-Supertec[canbia | canbia sorxente]

Par tri gare, a cavało de Montecarlo (doe el se ficà tra ei guard-rail al Loews), el sostituise Ricardo Zonta ała BAR (che gha rilevà la Tyrrell), sfiorando i punti a Imola (7°) e en Spagna (8°).

Sostituto de Schumacher[canbia | canbia sorxente]

Salo ała guida deła Ferrari n°3 de Michael Schumacher 'ntela stagion 1999

La so granda ocasion ła riva doendo sostituir Michael Schumacher ała Ferrari, dopo l'insidente de Silverstone. Contrariamente ałe atese, no'l xè el tester Luca Badoer el presielto, ma propio Sało, valutà en quel momento come on dei piloti piassé prometenti suł marcà.

In sie gare, dopo gaver debutà con on 9° posto en Austria, Salo ghe dà mostra de otime capasità ma rendimento altalenante. Ała seconda gara, en Germania, el se qualifega 4° (davanti al conpar Eddie Irvine, 5°) e el se porta comodamente al comando del GP, che el podaria vinser en sioltesa ma el moła ła poxision a Irvine, senpre pì en lota par el Mondial. En Ungheria el aranca 'ntel grupo, en Belgio el xè sfortunà e el sfiora i punti (7°), a Monza el surclasa Irvine e el xè terzo; ała so oltema gara, al Nurburgring, el ga da ritirarse par problemi mecanixi.

El moła ła Ferrari co 10 punti (quasi on terzo de tuti quei catai en cariera), i onixi do podi en Formula 1, ła sodisfasion de verghe contribuìo al Canpionato Costrutori e on contrato che el lo lega ala Ferrari en maniera indireta par i ani dopo.

La conclusion dela cariera en Formula 1[canbia | canbia sorxente]

I primi efeti del contrato i se gha 'ntel 2000, con la partecipasion a 'n antro Mondial de Formula 1 con la Sauber-Ferrari. L'anata xè buona, visti i mezi. I sie punti che el conquista i deria da do quinti posti (le so predilete Montecarlo e Hockenheim) e altretanti sesti (Imola, Austria), e quando el ariva al traguardo (tri ritiri), el xè senpre 'ntei primi 10.

Par i do ani sucesivi el se acorda con Toyota par el debuto asoluto del costrutor giaponexe de automobili 'ntel Mondial. El 2001 el trascore interamente 'n colaudi, lontan dai Gran Premi e colmo de problemi tecnixi (causa anca 'na monoposto conpletamente sbaià e ona seonda non iresistibil). 'Ntel 2002 el se rivede al via ma, salvo do punti (el xè sesto al debuto in Australia e ala tersa gara, en Brasil) a inisio mondial, el resto el xè on calvario che raramente el vee conpetitivo. Oltre ala sodisfasion par i primi punti par la Toyota resta poco altro. El xè l'epilogo en Formula 1.

La cariera extra-F1[canbia | canbia sorxente]

'Ntel 2003 el core ala 12 Ore de Sebring con l'Audi R8, el prototipo piassé vinxente del decenio. Con esa ghavrebe dovuo corer anca la 24 Ore de Le Mans, ma el so equipagio el termina la gara ala prima ora par problemi col carburante. El core, 'ntel fratenpo, en America, 'ntela CART col team PK Racing.

Ricordando el legame con la Ferrari, Salo el xè coinvolto con altri piloi de spico apena ritirai, come Johnny Herbert, 'ntel svilupo dela Maserati MC12 Gran Turismo, che el segna el rientro dela casa modenese 'ntee corse. Prima de disputar le olteme quatro gare dela stagion 'ntel FIA GT con la Maserati debutante, vinsendone do, el debuta 'ntel canpionato ala 24 Ore de Spa con la Ferrari 575.

El 2005 el xè stà quasi de pausa, con sol do partecipasioni a gare del'American Le Mans Series (ALMS) con la Maserati MC12, le cui prestasioni le zè stae limitae e i risultai scarsii.

'Ntel 2006, al contrario, Salo el xè stà molto impegnà su do fronti: quel merican de l'ALMS con el team Risi Competision, con la nova Ferrari F430 par la clase GT2, e quel eoropeo del FIA GT con l'AF Corse e la medesima vetura, par la stesa clase.

La famiglia[canbia | canbia sorxente]

La famiglia Salo la risiede tualmente a Montecarlo. Moier de Mika la xè Noriko, giaponexe, sposà 'ntei primisimi zorni del periodo ferarista. Da lei gha avù el fiol Max e la fiola Mai.

Risultai completi en Formula 1[canbia | canbia sorxente]

Year Entrant Chassis Engine 1 2 3 4 5 6 7 8 9 10 11 12 13 14 15 16 17 WDC Points
1994 Team Lotus Lotus 109 Mugen Honda V10 BRA
PAC
SMR
MON
ESP
CAN
FRA
GBR
GER
HUN
BEL
ITA
POR
EUR
JPN
10
AUS
Ret
- 0
1995 Nokia Tyrrell Yamaha Tyrrell 023 Yamaha V10 BRA
7
ARG
Ret
SMR
Ret
ESP
10
MON
Ret
CAN
7
FRA
15
GBR
8
GER
Ret
HUN
Ret
BEL
8
ITA
5
POR
13
EUR
10
PAC
12
JPN
6
AUS
5
15th 5
1996 Tyrrell Yamaha Tyrrell 024 Yamaha V10 AUS
6
BRA
5
ARG
Ret
EUR
DSQ
SMR
Ret
MON
5
ESP
DSQ
CAN
Ret
FRA
10
GBR
7
GER
9
HUN
Ret
BEL
7
ITA
Ret
POR
11
JPN
Ret
13th 5
1997 Tyrrell Tyrrell 025 Ford V8 AUS
Ret
BRA
13
ARG
8
SMR
9
MON
5
ESP
Ret
CAN
Ret
FRA
Ret
GBR
Ret
GER
Ret
HUN
13
BEL
11
ITA
Ret
AUT
Ret
LUX
10
JPN
Ret
EUR
12
17th 2
1998 Danka Zepter Arrows Arrows A19 Arrows V10 AUS
Ret
BRA
Ret
ARG
Ret
SMR
9
ESP
Ret
MON
4
CAN
Ret
FRA
13
GBR
Ret
AUT
Ret
GER
14
HUN
Ret
BEL
DNS
ITA
Ret
LUX
14
JPN
Ret
13th 3
1999 British American Racing BAR 01 Supertec V10 AUS
BRA
SMR
7
MON
Ret
ESP
8
CAN
FRA
GBR
10th 10
Scuderia Ferrari Marlboro Ferrari F399 Ferrari V10 AUT
9
GER
2
HUN
12
BEL
7
ITA
3
EUR
Ret
MAL
JPN
2000 Red Bull Sauber Petronas Sauber C19 Petronas V10 AUS
DSQ
BRA
DNS
SMR
6
GBR
8
ESP
7
EUR
Ret
MON
5
CAN
Ret
FRA
10
AUT
6
GER
5
HUN
10
BEL
9
ITA
7
USA
Ret
JPN
10
MAL
8
11th 6
2002 Panasonic Toyota Racing Toyota TF102 Toyota V10 AUS
6
MAL
12
BRA
6
SMR
Ret
ESP
9
AUT
8
MON
Ret
CAN
Ret
EUR
Ret
GBR
Ret
FRA
Ret
GER
9
HUN
15
BEL
7
ITA
11
USA
14
JPN
8
17th 2