Megołete

Da Wikipedia, l'ençiclopedia libara.

Łe megołete, armełe o brustołine łe xe semenze de zuca brustołae. Łe xe bone da magnar e łe fa parte de na forte tradision inte el Vèneto, ndo łe xe una de łe semense pì frecoentemente fate secar. Ła parte che ła se magna ła xe dentro na scorsa ciara che ła va cavà.

Łe se magna, fin dai tenpi dei Aztechi, anca in Mèsego e altri paesi de l'America Latina dove che łe se ciama pepitas.

Łe semenze de suca łe xe na bona fonte de fèro, xinco, àsidi grasi esensiałi, potasio e magnésio. Łe podarìa anca far ben a ła pròstata, difati senbra che serti conponenti de l'ojo de semense de suca i sia boni de fermar ła stimołasion de ła moltiplicasion de łe cèlule de ła pròstata provocà dal testosteron e dal DHT[1].

Note[canbia | canbia el còdaxe]

  1. (EN) World's Healthiest Foods Archivià il 30 de agosto 2014 in Internet Archive.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Megołete&oldid=1117066"