Matatu

Da Wikipedia, l'ençiclopedia libara.
Va a: navigasion, serca
Sta pajina xè orfana
Sta pajina xè orfana, overo priva de cołegamenti in entrata da altre pajine
Inserissighene almanco uno pertinente e cava l'avixo

I matatu i xe na forma de trasporto publico en Kenya. En tuti i paexi africani, ghe xe de i trasporti publici mená vanti da privati. Se trata de taxi do el costo el vien diviso da i pasegeri.En Kenya, quasi tuti i matatu i segue de i percosi fisi, ma se pol ancora catar quei che i te porta do te vol en na direxion generale de i altri pasegeri. La majoria de i matatu i xe dei minibus da 14 pasegeri, co n'autista e on condutor. El nome el vien dal swahili. Tatu el vol dire tre, e tre centesimi de scelino el xera el costo de la corsa en tel pasà. Ma el xe el plurale de la classe ji/ma, che se aplica a le parole costruie a partir da altre parole con significati diversi.

En tel pasato, i matatu i gavea colori forti, e i vegnea batezzà co nomi strani, ghe xera senpre musica a alto volume. El governo kenyano, co na lege del 2004, el ga regolamentà el setore obligando on colore solo - de solito el bianco -, na strisia giala atorno al matatu par scivare el numero de pasegeri e le linee abilitade, cinture di sicureza su tuti i sedili par i pasegeri. Autista e condutore i ga da metarse na camixa giala o blu. I paroni de i matatu i se riunise en do asociaxioni. Quasi tuti i xe costreti a pagar na tangente a la seta de i mungiki par poder operare en te le sitá de Nairobi, Nakuru e Mombasa. La pula la vol de le tangenti fise da tuti i paroni e i autisti i ga da pagar na tangente giornaliera per no esar fermà.