Marmota
 |
 Marmota (Marmota marmota) |
| Clasificasion sientìfega |
| Specie |
Ła marmota ła xe un mamìfero roditore (Marmota marmota) ke vive in alta montagna fra i 1500 e i 3000 metri de quota. El nome todesco xe Murmeltier, keło inglexe marmot e keło taljan marmotta. Ła xe longa dai 30 ai 60 cm e ła ga na coa de 10 - 25 cm. El peło xe de cołor maron. Ła se trova 'nteł'emisfero boreałe (Eoropa, Axia, Nord America) e ła pol vivere fin a 15 ani. In inverno ła va in letargo drento ła so cucia soto tera, coła tenperatura del corpo ke ła va a meno 5, con na frequensa cardiaca de 15 batiti al minuto, consumando el graso ke ła ga meso su in istà.
Tasonomia [canbia]
El genare Marmota comprende łe spece ke vien drio:
- Marmota marmota - marmotta alpina
- Marmota monax
- Marmota olympus
- Marmota caudata
- Marmota camtschatica
- Marmota menzbieri
- Marmota baibacina
- Marmota bobak
- Marmota sibirica
- Marmota himalayana
- Marmota vancouverensis
- Marmota broweri
- Marmota caligata
- Marmota flaviventris
Conportamento [canbia]
Łe marmote łe xe bestie ke vive in cołonie e łe se difende dai predatori tegnendoghine senpre una de guardia. Sta qua ła sta drita sułe sate de drio a vardar tutintorno e quando ke ła se inacorxe de un pericoło ła fis-cia forte un ałarme par tuta ła cołonia, cusì ke tuti i scapa drento le so cuce soto tera. Ste cuce łe xe fate de buxi longhi anca 10-70 metri, con diverse entrade. Łe marmote łe magna erba, raixe, semense e baùti.
I so predatori [canbia]
I predatori dełe marmote xe el gavinel, ł'aquila real, ła pojana, el corvo inperial, ła volpe, el bero, ła łinçe.
