Marghera

Da Wikipedia, l'ençiclopedia libara.
Va a: navigasion, serca
Marghera
locałità
Cesa de Sant'Antonio
Cesa de Sant'Antonio
Dati aministrativi
Stato bandiera Itałia
Rejon Veneto – stema Veneto
Provincia Venesia – stema Venesia
Comun Venesia
Teritorio
Coordinae 45°28′33″N 12°13′29″E / 45.475834, 12.224723Coordinate: 45°28′33″N 12°13′29″E / 45.475834, 12.224723
Altitudine 3 m s.l.m.
Abitanti 28 622[1] (08-08-2009)
Altre informasion
Còd. postałe 30175
Prefiso 041
Dì de festa 21 de novenbre [2]
Locałixasion
Italy location map.svg
Marghera
Italy relief location map.jpg
Marghera
Sito istitusionałe


Marghera o anca Venesia Marghera (ma el nome vecio de ła çità el sarìa Malghera, che deso no dopara squaxi più nisuni) ła xe na frasion del comun de Venesia. Ancuo ła ga a ocio 30 000 abitanti. Ła xe uno dei posti più popołari del comun venesian e soratuto ła ga tacà el sentro interchìmego, indove che i lavora un mièr de abitanti de Marghera. La xe nasua 'ntei ani vénti e trenta del Novesénto par verghe anca a Venesia un porto industrial e de tràfeghi de tipo moderno, e per tirar su un quartier de teraferma indove ła sità ła podese slargarse.

A Marghera ghe xé na stasion feroviaria, che ła se cata xusto prima queła de Santa Lusia e ła sóa poxision ła xé ai màrxeni de Marghera, squaxi a Mestre. El paéxe el xé cołigà a Venesia e a łe altre parte del comun co lìnee de bus e presto ghe rivarà anca el tran.

Marghera ła xe el posto da indove el vien el grupo reggae venesian Pitura Freska. Ghe vien anca el grupo Le Orme, ativo fin dal 1966.

Storia[canbia | canbia sorxente]

Mapa del forte Marghera

Prima che el porto e ła xona rexidensial i fuse tirai su, sti posti i gera ciamai i Bottenighi. Qua no ghe gera miga edifisi vèri, ma soło strade che łe 'ndava verso Cirignago. El nome de Marghera (=el mar ghe gera) el vegniva doprà per parlar de na pìcoła viła che ła gera łontan dó chiłòmetri da indove se cata ła Marghera de ancuo: el gera fato de qualche caxa, na cexa e un par de magazeni indove i se fermava łe robe che łe gaveva da rivar a Venesia. 'Ntel 1805 sta viła el xé stà butà xó per tirar su Forte Marghera.

Ła costrusion del porto e de ła xona industrial ła xé scomensada ai prinsipi del XX sècoło perché Venesia ła gavese un bon porto per far concorénsa ai altri del Mediteraneo. Per reałixar sto progeto Mussolini el ga anca sièlto che sti posti (comun de Mira), asieme a Cirignago, Mestre, Zełarin, Fàvaro Vèneto łe deventase tute parte del comun de Venesia. El progeto el contegniva anca ła costrusion de na xona rexidensial. Marghera ła xé stada colpia da łe bonbe dei Ałeai durante ła Seconda guera mondial. Daspò Marghera ła xé cresua e sta roba ła ga avuo come conseguensa ła nàsita de altri posti come Caène, intorno a ła parochia de Santa Maria de ła Sałute.

A partir dal 1998, col finansiamento de ła region Vèneto el xé nasùo el progeto SIMAGE per controłar ła quałità del'aria de l'àrea industrial de Marghera e ła gestion de łe emergense de contaminasion chìmega daspò insidenti industriałi, anca se in sti ùltimi ani Marghera ła xé drio pasar da séntro più rexidensial che inudustrial e łe ga verto axiende rispetoxe verso l'anbiente e chel salvi l'ocupasion.

Notasion[canbia | canbia sorxente]

  1. l'intrega munisipałità
  2. Festa de ła Madona de ła Sałute

Ligami foresti[canbia | canbia sorxente]