Mar de Tasman

Da Wikipedia, l'ençiclopedia libara.
Va a: navigasion, serca
Mar de Tasman
Tasman sea.jpg
Imaxene da satełite del mar: se intravede ła Nova Zełanda su l'angoło in baso a destra.
Parte de Osèano Pasìfego
Giografia fixica
Superfise 2.331.000 km²
Fondità masima 5.945 m
Fondità mexana 3.000 m
Vołume 6.993.000 km³
Idrografia
Sałinità mexana 35,0 ‰
Tenperadura 15÷20 °C
Ìxołe Łord Hau
Giografia umana
Giografia pułitega
Stati Flag of Australia.svg Australia
Flag of New Zealand.svg Nova Zełanda
Locatie Tasmanzee.PNG

El Mar de Tasman (in inglexe Tasman Sea, in maori Te Tai-o-Rehua) el xe un mar adiasente de l'Osèano Pasìfego Meridional.

El se ciama anca Mar de Tasmania. El so nome, riva diretamente o indiretamente, dal navigator ołandexe Abel Tasman, che ga descoverto sti łoghi.

El se cata tra le coste orientałi de l'Austrałia e de ła Tasmania a est, e łe coste osidetałi de ixołe de la Nova Xełanda a ovest. El comunica a nord co el Mar dei Corałi, a sudest co ła Gran Baja Austrałiana tramite el Streto de Bas, a sud e est co l'Osèano Pasìfego, sia diretamente che atraverso el Streto de Cuc che atraverso el Streto de Fovò. Al nord de l'Ixoła del Sud una so porxion se ciama Baja de Tasman, mentre 'n altra Baja de Oro (in inglexe Golden Bay); preso l'ixoła del Nord se cata ła Baja de Taranaki meridional int'el meridon e ła Baja de Taranaki setentrional a ponente.

Giografia fixica[canbia | canbia sorxente]

El mar xe grando e fondo. I so fondałi i xe costituii xeneralmente da crosta osèanica. Inteła so parte meridional se cata el Basin de Tasman, a nordovest ła Platea de Tasman, e a nordest el Basin de la Nova Całedonia separà da ła Soja de Łord Hov e dal Platò de ła Ċełenger (in inglexe Challenger Plateau).

Sto mar el coverse da ovest verso est un basin solcà da na dorsal oseanica inativa, el microcontinente somerso de Sełandia, e un inportante arco insułar. El se ga formà intel Senosoico par l'apertura de na nova dorsal che ga separà ła piataforma continental de l'Austrałia a ovest e cheła de la Selandia a est. Le so coste orientałi che se cata su un area a sismisità ełevata e co vulcani ativi,podaria eser sogete a risċio zunami.

Sto mar el xe atraversà inteła so parte osidental da ła corente calda de l'Austrałia Oriental, inteła so parte oriental da na corente freda che ła se destaca da ła Corente Antartega. Durante l'inverno austral in sto mar ghe xe speso condixion de burasca.

L'unica ixoła notevołe al so interno ła xe cheła de Łord Hau.

Giografia umana[canbia | canbia sorxente]

I unici paexi che łi se cata su łe so coste łi xe l'Austrałia e ła Nova Xelanda.

Le so sità pi grande łe xe ła metropołi de Sidnei, Ocland, Niucastl, Uołongong e Obart; un inportante sentro de pesca el xe Bega.

No el xe un mar particołarmente pescoxo, ma se pol catar tòni e ostreghe al nord, bacała łongo łe coste de ła Nova Xełanda.

Inteła Baja de Taranaki meridional se estrae gas naturałe preso el campo de Maui.

Altri Projeti[canbia | canbia sorxente]


Cołegamenti esterni[canbia | canbia sorxente]