Manega (architetura)

Da Wikipedia, l'ençiclopedia libara.

Na manega la ze na condota par al deflusso de aque piovane, fogne o scoli del teren, che no la pol laorar in pression.

Tipologie costrutive[canbia | canbia el còdaxe]

Al tipo tradisional al ze costituì da un fondo de piere e cimento co do muret laterai. Par sora se mete de le querte de piera. La evolusion de la tecnologia la ga portà a er tubi de difarenti materiai e de diversa sagoma secont la funsion che le ga da er. In età romana serte maneghe le gnea fate co tubi de piera monolitici, anca se la funsion de trasporto principal de le fogne la gnea fata da canai soteranei de grande dimension. In anbiente rural comunque ga senpre vivest infin a qualche diesina de ani fa la manega fata de piere. Verso al 1700 te el Regno Unito ze stat svilupà tubi de cimento o de altri materjai co na sesion ovoidal, in maniera da garantir senper an rajo idraulico otimal tanto par la portata de le fogne fa par quela ocasional de le aque piovane. Te i ultimi 100 ani gnen doperà tubi de ghisa bisa (infin a el 1943) e de ghisa sferoidal (da el 1943). Se trata de tubi che i ze abastansa resistenti a la corosion e i ciama spessor pitost pisoi. Al problema principal al ze che no i ze saldabili, sichè toca dontarli "a bicer" o a flangia. In seguito i ze stat doperà anca tubi de aciaio, manco resistenti a corosion ma saldabili. Tant par far i tubi de ghisa fa quei de aciaio se dopera la centrifugasion, sichè ghe ol senpre controlarli par esser seguri che al diametro interno al sie costante. I tubi de cimento i pol esser de cimento armà senplice, de cimento armà preconpresso, Bonnà o de cimento rinforsà co fibre (es. de amianto). In ogni caso i pol resister a na serta pression e i pol gner dontati a bicer, a batente o a manegot. La so rogna principal la ze al peso e la conseguente fadiga da far durante la posa in opera. I tubi de materjal plastico i pesa poco e serte olte i ze anca saldabili, parò i resiste poco a pression e i pol deteriorarse par colpa de sbalsi de tenperatura e sostanse chimiche varie. Par maneghe destinade a el trasporto de le aque luride se dopera anca al gres. Carateristica de serti tubi de cimento e de plastica la ze quela de er na serie de buss par assortbir l'aqua dal teren se al ze saturo. Sti qua i gnen doperadi pì che sia par maneghe de drenajo.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Manega_(architetura)&oldid=1035862"