Madre Teresa de Calcuta

Da Wikipedia, l'ençiclopedia libara.
Va a: navigasion, serca
Madre Teresa nel 1988

Madre Teresa de Calcuta, nome de batesimo Agnes Gonxha Bojaxhiu (Skopje, odierna Macedonia 26 agosto 1910Calcutta, India 5 setembre 1977), la xera na suora albanese misionaria in India, doe la gha fondà le suore Misionarie de la Carità, conosude come le suore de Madre Teresa. La Cexa Catolega la venera come Beata.


Storia[canbia | canbia sorxente]

Madre Teresa de Calcuta la xera la pi picola de tre fradei, fiola de Nikola e Drane Bojaxhiu. A 18 ani la xe entrada en te la congregasion de le suore de Loreto e la xe andà in India par continuar i studi. A Calcuta la xera la diretrice de la scola catolega Santa Maria di Entally, on soborgo benestante de la sità. On giorno en tel 1948, Madre Teresa la xera en viagio so on treno e la sa acorto de i poveri, che de solito ela no frequentava. La domandà el parmeso de vivar en na baracopoli e, en tel 1950, la gha fondà le suore Misionarie de la Carità. El laoro de ste suore el xe: “laorar par i pi poveri e volerghe ben a tute le persone che no le xe amate, ben volue, ne curate da la società”.

Par divisa, Madre Teresa la gha selto el sari, tipico vestio indian. Le prime dodeze suore le xera quasi tute so vecie alieve. La prima casa che Madre Teresa la gha fondà la se stà Casa Kaligat, na casa de la diocesi de Calcuta costruia rente a on tempio Indù. I fedeli indù i gha protesta par la presenta cristiana tacà al tempio e la polisia la gha dovesto intervenir. El comisario che el xera stà mandà a parar via le suore el gha catà Madre Teresa che la stava curando on butin mutilato. Par questo, le suore no le xe stà mandà via. Subito dopo, le suore le gha scominsià na casa par veci e on lebrosario, sempre a Calcuta.

Madre Teresa la xe diventà famoxa grasie a on documentario de la television inglexe BBC (1969). L’istituto fondà da Madre Teresa el cresea velocemnte e el gha scominsià a verzar case anca fora da l’India.

En tel 1979, Madre Teresa la gha ricevù el Pemio Nobel par la Pace. Dopo vari problemi de salude, Madre Teresa la xe morta el 5 setembre 1997 a Calcuta. El governo indiano, sempre negativo co la cexa catolegha, el gha ordinà el luto nasional e organizà i funerali de stato. El so corpo el xe stà portà postà su el canon usà par i funerali de Ghandi. Dopo do ani da la so morte, el Papa el gha dato el parmeso de scominsiar el proceso de canonizasion. Madre Teresa la xe stà nominà Beata el 19 otobre 2003.