Masuja

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Mažùia
Masuja, masoło o sparseło
Sinònemi diałetałi


Ła masuja, masoca, masoło o sparseło el ze un arnezo doparà in marangonaria par bàtar sol scarpeło.

Doparasion[canbia | canbia el còdaxe]

Ła so doparasion ła ze confrontàbiłe co cheła del marteło, ma no ła ze sostituìbiłe. Ła doparasion del masoło i ze ligai co ła doparasion del scarpeło da legno. Ła testa ła ze racuanto grosa, 60–80 mm de diàmetro, e ła parmete de colpir el scarpeło o łe sgùrbie co pì fasiłità evitando de far małe a chi che ło dòpara. Soratuti inte i laori de intajo o scultura del legno, sto cuà el parmete de mejo concentrarse sol laoro da far.

Ła caratarìstega prinsipałe de ła doparasion de ła masuja, masoła, o sparseło, ła revarda l'uzuramento dei màneghi dei scarpełi o de łe sgùrbie, esendo sti cuà fati in legno e che batendo co un marteło de fero, in poco tenpo, i tende spacarse o schejarse, fazendo inpusìbiłi nove dòpare dei arnezi.

Materiałi[canbia | canbia el còdaxe]

Zeneralmente el ze fato in legno duro e normalmente no ło se cata-fora inte el comerso, parché el ze sołitamente costruio da l'artezan che ło dòpara. El ze caraterizà da na parte pì grosa e pezante (dita testa), de forma siłìndrega o cuadra e da na parte pì magra ciamada mànego che ła ze de sòłito tonda. El legno doparà el ze el legno de Ostriya carpinifolia (carpen negro) parché el ga na caratarìstega dura e ligante.[Fonte nesesària]


Sinbołozia[canbia | canbia el còdaxe]

Cofà sìnboło el vien doparà in Masoneria par dirghe al struento che l'Aprendista el dòpara unitamente al scarpeło par sgrosar ła piera greza.[1]

Modi de dir[canbia | canbia el còdaxe]

Se costuma ciamarghe masuja a la testa de na persona o de un animal co ła ze "asè dura", o sia el fa fadiga capir łe robe. Ła ze na parola doparada in sta magnera in tuta la parte basa de ła Val Bełuna: se costuma dir "Te dàe an cròt zo par la masuja!" (Te dago un crogno zo par ła masuja!) par dir che se intende darghe na bota in testa.

Notasion[canbia | canbia el còdaxe]

  1. Domenico V. Ripa Montesano, Vademecum di Loggia, Roma, Edizione Gran Loggia Phoenix, 2009, ISBN 9788890505904.

Altri projeti[canbia | canbia el còdaxe]

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Masuja&oldid=1100477"