Lateria

Da Wikipedia, l'ençiclopedia libara.
Va a: navigasion, serca
Pajine da unire
Sta pàgina ła senbra tratare el steso argomento, o comuncue argomenti unificàbiłi, de ła voxe Casel
Te pùi contribuire unifegando i contenùi inte na pàgina ùnica seguèndo łe linee guida
Sto articol al é scrit in belumat

La lateria la è tant al edificio fa la azienda par la laoražion de la lat par far i vari derivadi.

Organigrama aziendal[canbia | canbia sorxente]

Le prime laterie le era turnarie, cioè i soci i ndea a turno a jutarghe a 'n caser fisso e pagà a laorar la lat de la jornada. La strutura la è coletiva. co 'l tenp è nassest la lateria cooperativa (ideada da 'l belumat A. Della Lucia). Sto secondo tipo de organizažion al à consentì an ingrandiment de 'l volume de afari dando inižio a la media inpresa, diversa par personal, tecnologia, diversificažion de 'l prodoto. Te i ultimi ani anca sto model al è stat sostituì (o mejo, al se à evolvest) da le società de capitai. Dess na lateria qualunque la conta almanco an grupet de operai, de inpiegadi e de adeti a la vendita.

Funžionamento[canbia | canbia sorxente]

Lateria pižola, o casel Te 'l casel la laoražion la scominžia co la racolta de la lat, che la gnen consegnada te i vasi da lat, cioè bidoi de aluminio cilindrici o a pianta elitica e dotadi de tirache de curan par esser portadi a spala. La lat la gnen assada na not a decantarse in modo da far afiorar la pana. Co la pana gnen fat al botiro e co 'l resto de la lat se fa formai e poina. Al scarto de la laoražion de la pana (al lapin) e de la lat (al scòlo) i ghe gnen dati a i poržei. Al lapin al pol anca gner beest come purgante.

Lateria moderna La lat la gnen tolta sù te na serie de punti de racolta slargadi te 'l teritorio e la gnen portada in lateria da autobot. A 'l ricevimento gnen fat na prima sielta fra la lat de alta qualità e quela normal, po'la gnen omogeneizada e filtrada. Dopo la gnen scremada par cavarghe na ulteriore part de pana e par portarla a 'l valor olest de grass. A sto punto gnen sieldest quala lat mandar a la produžion de ogni singolo formai e quala che à da esser vendesta par lat fresca o uhterizada.