Laste

Da Wikipedia, l'ençiclopedia libara.


Infobox de Zeografia fìzegaLaste
SorteCaena montagnoza Cànbia el vałor in Wikidata
Liogo
Rejon aministrativa Itàlia Cànbia el vałor in Wikidata


Dati SOIUSA
Gran parteAlpi Orientałi
Gran setoreAlpi Sud-orientałi
SesionPrealpi venete
SotosesionPrealpi Visentine
SupergrupoGrupo dei Altopiani
GrupoAltopian de Folgaria
CòdazeII/C-32.I-A.1.b





















































Ła montagna de łe Laste o łe montagne de łe Laste xe un grupo de monti del Veneto al confin nord-ovest de ła provinça de Vicensa col Trentin. Łe Laste łe ga ła val d'Àstego ke łe divide a est dał'Altopian dei sete comuni; pi a sud-est se trova l'Altopian de Toneza del Cimon, mentre a ovest se va verso Folgaria.

Va ricordà el Monte Toraro, 1897 m, el Monte Canpomolon, 1853 m, el Coston d'Arsiero, 1779 m, el Sojo d'Aspio, 1362 m.

Istoria[canbia | canbia el còdaxe]

Prima guera mondiałe[canbia | canbia el còdaxe]

Fin al magio 1916 el fronte de guera el coreva traverso łe Laste, vegnendo a ovest da Serrada e pasando par ła Costa d'Agra, el Coston e el Sojo d'Aspio. Dopo el 'ndava xo in Val d'Àstego el traversava el fiume, el rivava ai forti Gschwendt e de Łuxerna e su fin a Vexena e verso est. El dì 16 magio i Austriaci i scadena ł'ofensiva col 3° regimento Kaiserjaeger e el 14° e el 59° regimento de fanteria, dopo aver martełà coł'artijeria ła linea italian de Malga Pioverna, Costa d'Agra, Monte Coston. Inte el giro de tre dì vien ocupà tute ste posision, pi el Sojo d'Aspio, Sima Canpołuzo, el Monte Canpomolon col so forte, el Paso de ła Vena e el Monte Toraro. Ła guera ła se sposta pi a sud, verso Laghi,Poxina e el Monte Novegno.

Seconda guera mondiałe: ła Rexistensa[canbia | canbia el còdaxe]

Malga Zonta coła lapide in memoria dei partixani copà dai Todeschi 'nteł'agosto del 1944

Łe Laste łe fa parte de łe montagne vixentine dove forte xe sta ła rexistensa contro naxisti e fasisti. Xera ative inportanti formasion partixane e in sti monti ghe xe sta uno dei fati pi gravi de ła guera. El 12 agosto 1944, xa sul versante trentin, a Malga Zonta, i naxisti i fusiłava 17 intrà partixani e malgari ciapà dopo un rastrełamento. Sul posto ghe xe na lapide comemorativa.

Turixmo[canbia | canbia el còdaxe]

Punti de pojo par far escursion sułe Laste pol esare el rifugio Rumor, 1748 m, prima de ła seła de Valbona, el rifugio Melegnon, 1496 m, a ła Bocheta dei Alpini, l'Albergo Fiorentini, 1461 m, el rifugio Valbona, m. 1720, dopo ła seła. In Trentin, l'osteria Coe, 1600 m, a Paso Coe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Laste&oldid=1152122"