Lago de Fimon

Da Wikipedia, l'ençiclopedia libara.
Va a: navigasion, serca
Sto articoło el xe scrito in vixentin
Łago de Fimon
Lago di Fimon.jpg
Coordinae

45°28′20″N 11°32′38″E / 45.472108, 11.543928Coordinate: 45°28′20″N 11°32′38″E / 45.472108, 11.543928

Altitudine 23 m s.l.m.
Giografia fixica
Superfise 0,51 km²
Longhesa 1,708 km
Larghesa 0,392 km
Fondità masima 3,90 m
Fondità mexana 2,00 m
Vołume 1,34 km³
Sviłupo costiero 3,940 km
Idrografia
Imisari prinsipałi Deba
Emisari prinsipałi Deba
Giografia umana
Giografia pułitega
Stati bandiera Itałia
Rejon Flag of Veneto.svg Vèneto
Provincia Vicensa
Comun Arcugnan
Italy location map.svg
Italy relief location map.jpg

El Lago de Fimòn el xe un specio d'aqua de dimension picołe (0,51 km²) el xe poco fondo (dai 4 ai 5 metri) ch'el se trova en provincia de Vicensa, a sud dea sità, nel comune de Arcugnan, frassion Łago de Fimòn. El xe l'unico łago significativo prexente sul teritorio deła provincia. I dintorni del łago i xe anca un sito archeołogico, ritegnù xa inportante 'ntel secoło XIX dal naturałista vixentin Paolo Lioy.

Quałità del łago, piante e bestie[canbia | canbia sorxente]

Pési[canbia | canbia sorxente]

El łuso o luzo (Esox lucius), xe una dełe rase de pesi che abita el łago e che ło gà reso famoxo 'ntełe ostarie dei Berici.

El łago gà un fondałe de paltaneła e łe piante che ghe crese łe xe asà, carateristeghe che, insieme ała poca profondità, j lo fa un habitat ideałe pai cosideti pesi ciprinidi, tra i cuai łe carpe.

Le rase łe xe: ła carpa (Cyprinus carpio), ła tenca (Tinca tinca), el luso (Esox lucius), ła scardoła (Scardinius erythrophthalmus), ł'angùja o bixato (Anguilla anguilla), ła saveta (Chondrostoma soetta) e ła lasca (condrostoma genei) e infine el re del lago: el pesegato.

La popolasion dei pesi de uncò, rispeto al'Otosento, secoło dei primi studij, ła xe difarente, dal momento che xe rivà nove rase e gh'in xe sparie diverse: tra cueste ła lasca e ła saveta, tra łe prime el persego trota (Micropterus salmoides), el pese gobo (Lepomis gibbosus), el persego (Perca fluviatilis).

Dall'inissio dei ani '80 xe sta imeso dal'omo anca el siłuro o l'abramide (Abramis brama), rasa de pese, rispeto al lago,sovradimensionà, ch'el vien dal Danubio. Desso ła Provincia de Vicensa xe inpegnà par contegnerghe la fiłiasion.

Dal 2008 xe segnałà el ganbero roso deła Łouisiana.

Archeołogja[canbia | canbia sorxente]

L'intarese archeołogico deła xona del łago de Fimòn xe dovuo al ritrovamento de resti di abitasion risałenti a dò epoche difarenti: una al neołitico e chel'altra ał'età del bronxo.

Resti del neołitico[canbia | canbia sorxente]

I resti che risae al neolitico se poe riportare al periodo dei cosideti vasi a boca cuadrà. Le datassion al radiocarbonio dei resti j li coloca ala prima metà del IV milenio a.C..

Łe abitasion in epoca antica[canbia | canbia sorxente]

El ritrovamento principałe xe costitujo dai resti de stanberghe col fogołaro ch'el xe meso su struture orixontaj de pałi incroxà. Xe sta ritrovà fogołari fati de piere de calcaro coverti da teracrea e paltan, sia scuadrà che tondi. In coste a 'ste abitasion xe sta trovà pałi piantà in verticałe, che al'inisio j gaveva fato pensare a un abitato pałafiticoło.

I legnami utilixà j xe asà neł a xona visina al łago; in de pi' j xe onaro, farsigołaro, fagàro e agro. Se supone che la sielta del'onaro la sia sta dovua ala so' resistensa in anbienti umidi. J muri e i cuerti dee stanberghe no xe sta rinvegnù, a ecession de cualche toco de intonaco lissià da 'na parte e co inpronte de rame da chealtro.

Se poe imaginare che 'e piante dee stanberghe le fuse sta scuadrà.

Scoase d'epoca antica[canbia | canbia sorxente]

Visin ał'abitato j xe sta rinvegnù conchiłie, osi de bestie (mamiferi, pesi e tartarughe), semense carbonixà, atresi de piera e de oso, tochi de cocio e cualche ornamento o ninoło.

El sepołimento in epoca antica[canbia | canbia sorxente]

Nel posto dei scavi archeologici xe sta trovà sepołio un toxo de diexe/dodaxe ani, insieme a çeramica del tipo de queła ritrovà drento ł'insediamento. La datasion al carbonio14 ła senbra indicare par i resti del toxato una età magiore de queła dełe stanberghe, parché cueste ultime łe xe de çirca doxento ani pi' visine a noaltri.

Ła piera łavorà in epoca antica[canbia | canbia sorxente]

I atresi de selce a sgrexendatura łaminare, de dimension granda, j xe sta ritrovà in cuantità: gratarołe, punte fołiate, bułini, perforatori, łame ritocà; fochexi spesi de forma słungà (pi comuni) e fochexi curti pi' fini (pi' rare), un toco de scopeło, pestej e na màxena. Raquanti atresi i portava resti de mastice, forse utiłiixà par farghe el manego a łame e altri utensij su aste de legno. Un ritrovamento particolarmente sinificativo xe costituijo da 'na frecia de selce con ponta peduncolà e asta de legno.

J xe sta rinvegnù ance punteròj e spatołe de oso e ogeti ricavà a partire da corni de ciervo, presumibilmente percusori.

Ceramica in epoca antica[canbia | canbia sorxente]

Ła ceramica fina rinvegnù xe: scudełe profonde a boca tonda o cuadrà e broche ad alto piè decorà, vasi e biceri (goti) a boca cuadrà o a fiasco. Ła ceramica pi' grexa invese xe dà da vasi a boca cuadrà, a fiasco e a tronco de cono, o grandi vasi profondi. Xe da notare che alcuni vasi i porta sul fondo ł'inpronta dełe stuoie sułe cuałe se pensa łe vegneva poxà neła faxe de reałisasion.

Ogeti ornamentaj in epoca antica[canbia | canbia sorxente]

I ritrovamenti in cuesto caso non j xe numarosi e j se limita a dò metatarsi de liòre forà e sincue denti de omo forà e limà.

Turismo e diporto[canbia | canbia sorxente]

El łago xe d'intarese turistico, specie neła beła stagion, quando ke'l cui deventa meta ideałe par gite fora-porta da parte dea popołasion del teritorio vixentin. Nełe so' vicinanse xe presenti ostarie e dò discoteche.

Nee aque del łago vien praticà la pesca sportiva, anca con l'utiłixo de barche, par le quali xe disponibie un punto de nolo. Ghe xe diversi ke dopara anca ła canoa 'nteła beła stajon. D'inverno el łago giasa e, anca se xe pericołoxo e vietà, ghe xe quełi ke va patinarghe sora.

Bibliografia[canbia | canbia sorxente]

  • Alberto Broglio, Leone Fasani, Le valli di Fimon nella preistoria, 1975, Neri Pozza editore