Lago Leman

Lago Leman / Lago de Zenevra
Paese/i:	Fransa e Svisera
Region(i):	Romandia (CH), Rodano-Alpi (F)
Provincia/e:	Canton Vaud (CH), Canton Vałexe (CH), Canton Ginevra (CH), Alta Savoja (F)
Superficie:	582,4 (234 in Fransa, 348,4 km² in Svisera) km²
Altitudine:	372 m s.l.m.
Profondità masima:	309,7 m
Imisari prinsipałi:	Rodano, Venoge, Dranse
Emisari prinsipałi:	Rodano
Bacino imbrifero:	7.975 km²

El Lago Leman, o Lago de Zenevra, in lengua franzese: "Lac Léman" o "Lac de Genève", el xe el pì grando łago de ł'Eoropa osidental e el se cata al confin tra la Svisera, indove a se cata el 60% deła superficie, e ła Fransa.

El spechio de aqua el ga 'na forma slongada, tipega de un lago giazzal subalpin, a meza luna in direzion est-ovest co' la concavità verso ła sponda meridional, queła fransexe.

El Lago Leman, divixo par 'na iregołarità 'nte ła forma visin Yvoire in "Grand lac" a est e "Petit lac" a ovest, el xe formà dałe aque del Rodano, el so major imisario e emisario, e el ga avudo orixine al termine de ł'ultima giazzazion, zerca 15.000 ani fa.

Etimolosia e denominazion

El "lac Léman" el xe vegnù fora par scrito intorno al 50 a.C. col nome de orixine greca "lemanè limnè" o "lemanos limnè". Sto nome el xe sta doparà anca da Giulio Cesare che, 'ntel 58 a.C. el xe partìo da "Genava" e dal "lacus lemanus" par combatare i Elveteghi. Co' ło sviłupo deła cartografia, i nomi i se ga moltiplicà: "lacu lausonio", "lacus losanetes" o ancora "lac de Lozanne" (tra el II secoło e el IV secoło).

Come conseguensa deła fama cresente de Ginevra, el nome "lac de Genève" (łago de Ginevra) ła apare e ła coexiste coi termini existenti (XVI secoło). In st'epoca, el łago de Ginevra ł'indica el Petit-Lac (Picoło-Lago) (79 km²) e el "lac de Lausanne" (łago de Łoxana) (503 km²) ł'indica el Grand-Lac. Col pasar del tempo, el łago de Łoxana el xe sconparso e el nome de łago Lemano el xe sta adotàd dai Savojardi, Valdexi e Vałexani. Sto nome el xe xenerałisà 'nte łe carte giografeghe e completa pareci nomi de posti che i se cata łongo ła riva savojarda del łago (Maxilly-sur-Léman, Chens-sur-Léman, etc.). El nome del Lemano, particołarmente de moda durante ł'iłuminismo e durante ła Rivołusion fransexe e el Primo Inpero, el xe sta doparà da autori come Jean-Jacques Rousseau o Voltaire e el serviva da prestanome al vecio dipartimento del Lemano che el ragrupava el nord deła Savoja, el pays de Gex e Ginevra.

Clima

Anca se el se cata in montagna, el łago, a cauxa deła masa d'aqua che el contien, el crea 'ntel teritorio sircostante on microclima. In inverno, el łago el dà indrìo el całor imagazinà durante ł'istà.

Tutavia, in inverno, quando a se verificà dełe particołari condision climateghe — aria seca freda e stagnante in alta e media atmosfera — ł'umidità pì calda che ła se alsa dal łago, łs ristagna e łs se trasforma in nebbia che ła pol ristagnar anca do o tre setimane.

El Petit-Lac in diresion de Łoxana