La fenice sulla lama

Da Wikipedia, l'ençiclopedia libara.
Va a: navigasion, serca
« Tra i ani deo sprofondamento de Atlantide e le sò cità, ghe iera un'età mai sognà, dove splendidi imperi se stendeva sotto el sole come azzuri mantei soto le stele. Da un de esi rivò Conan, el simmero, caveji neri, oci azuri, spada in man, ladro, pirada, copator, con grandi malinconie e imbriagamenti colossali, xunto par calpestar i troni ingioiellai dea tera sotto i sò sandali... »


La Fenice sula spada, scrito da Robert Ervin Howard scominsia con un Conan de mexa età pareccià a governare el regno de Aquilonia. Conan gaveva ciapà la corona insanguinà de Aquilonia dal Re Numedide che strangolò sulo sò steso trono, tutavia, le robe non xé ndae ben, parché Conan se gà visto costreto a impugnar la pena e posar dò la spada. El popolo de Aquilonia, che al'inisio ghe voleva ben e lo vedeva come el liberator dale malagraxie de Numedide, desso el scominsia a odiarlo par via che lè un foresto. I gà costruìò anca una statua in memoria del vecio re nel tempio de Mitra, e la zente la bruxa incenso par lù, come se fosse stà un monarca santo morto par colpa de un barbaro.

Volendo dar la corona aquiloniana a un de sangue reale, se forma una banda conossùa come i cuatro ribeli: Volmana, el conte ceo de Karaban, Gromel, el comandante gigante dele legioni nere, Dion el baron panson de Attalus, Rinaldo el menestreo mexo mato. I cuatro ribeli i recruta i servisi de un fuorilese de nome Ascalante. Ma de scondoni Ascalante el vol fregare i altri cuatro par ciaparse lù de sol la corona.

Ao steso tempo, Ascalante gà un schiavo de nome Thoth-Amon, un stregon potentisimo che vien dala Stygia, che lè cascà dal sò poter perché gà perso l'anèo magico che lo faxeva devegner potente. Par sconderse dai altri magi se gà trasvestìo e dala Stygia xé rivà in Koth dove i predoni de Ascalante io gà ciapà par farlo devegner schiavo.

La storia se incentra sul piano dei cuatro rebeli par copare el Re Conan quando che lè indormensà sul leto. Tutavia vien fora dò fati: Conan xé avvertìo dal Saggio Epemitreus che marchia la spada de Conan con una fenice che rapresenta Mitra, un dio hyborian. Alo steso tempo Thoth-Amon recupera l'anèo e usa el sò poter par copar Ascalante quando che stò ultimo se cata nela stansa de Conan par coparlo. Prima el demonio copa Ascalante e poi Conan se trova costreto a farlo fora.