Kalenjin

Da Wikipedia, l'ençiclopedia libara.
Va a: navigasion, serca

Co el termine kalenjin se se riferise a on grupo etnico che vive en te la Rift Valley del Kenya, e a che el se sudivide en altri sotogrupi. Par dirla tuta, i kalenjin i xe na meza invension de i antropologi inglexi, e no on grupo omogeneo. Sti grupi etnici picenini i xe stà mesi insieme parché i parla lengoe simili, i vie on rente a quel’altro e parché i ga na storia simile. I grupi che i forma i kalenjin i xe:

  • elgeyo,
  • endorois,
  • kipsigis,
  • marakwet,
  • nandi, sabaot,
  • terik e
  • tugen.

En tel pasà, i pokot i xera mesi tra i kelenjin, però i pokot noi vol, i se sente diversi. Ancò, i kalenjin i continua a esar considerà insieme par motivi politeghi

I grupi[canbia | canbia sorxente]

Elgeyo[canbia | canbia sorxente]

I elgeyo i vive en tel distreto de Keiyo, rente de Eldoret. I pratica la pastorisia ma anca l’agricoltura. I elgeyo i gavea el contro de n’area grande, ma i ga perso quasi tuti i pascoli soto la presion de i maasai e de altri grupi de pastori de la Rift Valley.

Endorois[canbia | canbia sorxente]

I endorois i xe on grupo picenin de 60 000 persone e i vive longo el Lago Bogoria.I xe pastori. I endorois i xe stà discriminà da i vari governi kenyani. I xe pochi e i no pol mears contro i potenti e i prepotenti. I ga perso quasi tuta la tera ancestrale, specialmente co i ga trova i rubini e altri minerali preziosi.

Kipsigis[canbia | canbia sorxente]

I kipsigis i xera pastoralisti. Ancò, quasi tuti i pratica l’agricoltura. I kipsigis i xe rivà en te l’area de Kericho verso el XVIII secolo. Ancò i se cata nel distreto de Kericho ma anca a Kitale, Nakuru, Trans Mara, Eldoret e tra i Nandi.

Marakwet[canbia | canbia sorxente]

I marakwet i vive longo la vale del Keryo, ma se cata anca so le Coline Cherengani. I xe divizi en sotogrupi (almoo, cherengany, endoow, markweta, sombirir, e kiptaani). Anca i marakwet i stà abandonando la pastorisia par diventar bacani. Inportante el xe el sistema de irigasion en te la vla ede Tot. I canali de acqua i xe scavà en te la piera, o en tel teren e rivestii de piere. El sistema el xe vecio de 4 secoli.

Nandi[canbia | canbia sorxente]

I nandi i vive so le coline Nandi. I xe pastori sedentari ma i se stà movendo verso le coltivasioni.

Sabaot[canbia | canbia sorxente]

I sabaot i vive a i piè del monte Elgon e i xe divizi tra Kenya e Uganda. I sabaot i ga perso pi de la metà de i so teritori e i ga lasà la pastorisia par dedicarse a l’agricoltura. El teren, fertile e ben irigà, el ga parmeso de i boni risultati anca finansiari. El canbio el ga volesto dir anca on canbio sociale, chel nol xe indolore. I zoeni, che i ga studià, i parla inglexe e swahili, i stà ciapando el potere da le mane de i anziani. En sto proceso, ghe na grosa perdita de valori.

Terik[canbia | canbia sorxente]

I terik i vive tra i distreti de i Nandi e de Kakamega (do la majoria i xe luya). I terik i xe 120 000. Le vecie tradisioni le dixe che i terik i vien dal Monte Elgon, e i se sa spostà do i vive ancò do secoli fa. Ancò i se move verso i nandi e i parla senpre pi nandi. Manco de 50 000 terik i parla la so lengoa.

Tugen[canbia | canbia sorxente]

I tugen i xe ono de i grupi etnici pi picenini del Kenya, manco de 60 000 persone. Ma i xe anca tra i pi famoxi parché Daniel Toroitich arap Moi, secondo presidente del Kenya, el xe on tugen. I tugen i vive en te i distreti de Baringo e de Koibatek, i parla el tugen e i xe pastori e agricoltori.

Società[canbia | canbia sorxente]

I kalenjin i xe en on momento de transision. El pasajo da pastori a agricoltori el porta al canbiamento de le regole sociali e a l’omogeinizasione de la società. El canbiamento el xe influensà anca da altri fatori: la lengoa inglexe e el swahili, la partecipasion a la vita naxionale, la presensa de altri grupi etnici en te la region abità da lori. La religion el xe n’altro fator de unificasion. I kalenjin i xe diventà quasi tuti cristiani, e stò fato el stà creando on novo senso de identità.