I maestri picinini

Da Wikipedia, ła ençiclopedia lìbara.

I maestri picinini el xe on livro de Luigi Meneghello, publicà intel 1964.

Autobiografico, el parla de ła łota partigiana tałiana inte łe tere vènete nei ani dea seconda guera mondiałe.

I ga fato anca on film al riguardo nel 1998.

[modìfega] Ła storia

L'autor in tel setenbre del 1943 el xe un zoino soldà de leva che, con l'Armistisio de Cassibile, el çerca de 'ndar casa, dopo ver butà via łe armi e ła divixa par no esar ciapà. Na olta a caxa parò ghe toca partir de novo par evitar ła nova leva obligatoria volùa da ła Republica Sociałe Itałiana: e cosita el scapa sui monti de l'Altopian de Axiago e el se unise coi primi partigiani.

Meneghello el conta cosita ła so esperiensa da partigian, i contrasti tra de lori, le dificoltà e el senso de inutiłità causà da ła scarsa operatività de łe formasion partigiane; dopo alcuni sucesi el riese a 'ndar zo con altre formasion verso ła val e nei cołi Berici, catandose cosita a do pasi da caxa sua a Malo. Dopo ghe vegnarà afidà alcune mision a Padoa, ła çità dove che lu el studiava fiłoxofia prima deła guera, e dove el catarà anca l'amor.