Hawaii

Hawaii
[[Image:|100px|Hawaii - Stemma]]
(Stema de le Hawaii)	(Bandiera de le Hawaii)
The Aloha State
Informazioni
Nome originale:	The State of Hawaii
Cavedal:	Honolulu (375.571 ab./ 2007)
Città più popolosa:	Honolulu (375.571 ab./ 2007)
Area
Superficie:	28.337 km²
Poxision (USA):	43º
Sup. tera:	16.649 km²
Sup. aqua e (%):	11.672 km² - 41,2 %
Popołasion
Totałe:	1.283.388 ab. (2007) (U.S. Census Bureau)
Poxision (USA):	42º
Densità:	44,57 ab./km²
Giografia
Latitudine:	da 16°55'N a 23°N
Longitudine:	da 154°40'O a 162°O
Altitudine max:	4.205 m s.l.m.
Altitudine min:	0 m s.l.m.
Altitudine media:	925 m s.l.m.
Fuxo orario:	UTC -10/No existe l'ora legale
Ingreso 'nte ł'Union
Data:	21 agosto, 1959
Ordene:	50º
Połitega
Governador:	Linda Lingle (R)
Grandi ełetori:	4
Pena de morte:	Mai existìa
Note
ISO 3166-2:	US-HI

Łe ìxołe Hawaii łe xé un arçipèłago de l'Oçèano Paçìfego. Dal 21 de Agosto 1959, łe costituise el 50° stato dei Stati Unìi de Amèrica. I ciapa rento l'ìxoła de Hawaii, altre sete ìxołete prinçipałi e tante altre ìxołe pi cee, scoji e seche.

Jografìa

Imàxene ciapada dal satèlite de l'ìxoła de Hawaii, ła pi granda de łe oto ìxoła prinçipałe del stato

Łe Hawaii łe xé ìxołe tropicałi, situae a na latitùdene intra i 23° e i 18° Nord.

Ła cavedałe de l'arçipèłago ła xé Honolulu, che ła se cata su l'ìxoła de Oahu e ła xé ła çità pi granda de l'ìxoła.

Altre ìxołe inportante łe xé l'ìxoła de Hawaii (the big island), che ła ga do aeroporti prinçipałi: Hilo e Kona, e el çentro abità de Kamuela; l'ìxoła de Maui, co l'aeroporto Kahului e i çentri abitai de Lahaina, Wailuku, Hana, e Kihei, e l'ìxoła de Kauai, co l'aeroporto Lihue e i abitati de Poipu, Hanalei e Waimea. Altre ìxołe abitae łe xé Molokai, Lanai, Niihau (de propietà privaa e de aceso difìçiłe) e Kahoolawe (doparada da ła marina mericana par ani cofà połìgono de tiro).

Łe ìxołe Hawaii łe xé intra de łe tere emerxeste pi ixołae al mondo, łe dista de fato quaxi 4.000 km sìa da ła costa mericana (Całifornia), sìa da Tahiti, e oltra 1.000 km da łe ìxołe Kiribati. L'arçipèłago el partien jografegamente al continente de l'Oçeania.