Giudeca

Da Wikipedia, ła ençiclopedia lìbara.

Sto articolo el xe scrito en diałeto venesian

Ła Giudeca ła xé na noda ìxoła (o, megio, un grupo de ìxołe) catà a sud del sentro stórego de Venesia. Se fasa sul'omònemo canal - el canal de ła Giudeca - e ła ga en fronte el sestier de Dorsoduro, de qual ła fa parte. Ła xé considerà ufisalmente na frasion del comun.

El 12 de disenbre 2007 ła gaveva 4.763 abitanti (sensa Saca Fìxoła).

Catà a sud del resto de ła sità, ghe fa na xona residensial bastansa tranquiła. Ła łónga banchina catà a nord, girà verso ła sità, ła forma un vial 'ntel quaò xé molto piaxévol pasagiar e chel ofre maravegióxe vedue su ła sità łagunar.

[modìfega] Toponomàstega

L'ìxoła de ła Giudeca ła gera antigamente conosiua col nome de Spina Longa par la soa forma slongà a łisca de pese. Drio alcuni l'atual nome de Giudeca el saltarìa fora da ła prexensa sul'ìxoła del primo gheto ebràico, poi tirà via a Canaregio ed anca 'nte ła famoxa pianta del Temanza, ła pì antiga mapa de Venesia, l'ìxoła ła vien indicà come Judaica. El primo Gheto de Venesia el xé stà istituio però soło el 29 marzo 1516 a Canaregio e senbra propio che in presedensa i ebrei i fuse łìbari de abitar en tuti i lóghi de ła sità.

Un'ipòtexi pì resente e pì provàbiłe ła fa vègner fóra el topònimo da zudegar ("giudegar", "judegar"), co riferimento ai menbri de famégie aristocràteghe rivoltóxe che ai inisi dell'IX sècoło i xé stai mandai sul'ìxoła.

Un'altra teoria, che forse ła xé ła pì sigura, ła mete en rełasion Giudeca co sud, esendo l'ìxoła catà a sud de Venesia. Tal ipòtexi ła xé vałorà dal fato che en numaróxe altre sità, fra łe quałi Buran e i difarenti séntri del'Istria, existe quartieri ciamai "Giudeca" e tuti i se identìfega co l'àrea catà a mexogiorno del séntro stórego.

Dopo, 'ntei giorni glorióxi de ła Repùblica, ła Giudeca ła xé deventà na xona de evaxion, caraterixà da giardini e piasévołi dimore.