Germano Mosconi
Da Wikipedia, ła ençiclopedia lìbara.
 |
"I lo ga meso ala berlina […] Par farlo inrabiar i tenici i ghe organixava un mucio de schersi[…] Montàe in chela maniera, le pare le imagini de un omo ke 'l ga pasà la vita a biastemar."
(Lorenzo Roata, giornalista Rai Sport)
|
|
"Ma che, ooooooh?!"
(Germano Mosconi)
|
Germano Mosconi (San Bonifacio (VR), 11 de novenbre 1932) el xe un giornalista sportivo e condutor.
Mosconi l'é sta uno dei volti tełevisivi pì asè noti del Nord-est tałian dei ani 80-90, grasie al laoro come giornałista e prexentador de el tełegiornal de ł’emitente tełevisiva Telenuovo nel periodo che ła squadra de bałon de Verona ła vinsèa ło scudeto. El jera conosuo par l’elegansa e ła pachèa davanti ałe tełecamare e par esar un brao tenista.
Intel 2004 el xe sta ogeto de una vicenda particolar, che el lo ga reso noto in tuta Itałia. Na fonte anonima ła ga publicà in Internet vari foraonda che vegnèa da registraxioni del tełegiornal, doe se faxèa vedar le reasioni irè de Mosconi a vari disturbi che i causava el fermo dełe riprese (xente che la entra intel studio, bacàn, notixie scrite su foi ilegibili o semplicemente i so Lapsus Linguae).
El gran uso de bastieme, insulti, linguajo colorito Lengoa veneta e el sapiente montajo ke el faxea scaturir na spontanea comicità, i ga determinà na grandisima difusion del video. Nel giro de un fià de tenpo, i xe nati forum dedicà, fan club in Itałia e in paesi foresti, monografie e cartoni animè dopiè co l’utilixo dela voce de Mosconi, creando na bonarja maceta comica. Mosconi parò no 'ł ga mia gradio sto tipo de notorietà, denunsiando i anonimi che i ga difuso el video e dixendo de no a tute łe richieste de intreviste o proposte rełative ai fati (come quea de Lino Toffolo de partexipar a calche serada del xo spetacolo)
In sto momento l'è el diretor del giornal de lengoa tedesca Gardasee Zeitung dedicà ai turisti del lago de Garda, e l'è opinionista a na trasmixion sportia de ł’emitente padoana Telechiara, tełevixion de proprietà de l’episcopato del Triveneto, en pì el scrive ne ł’inserto veronese del Gaxetin.
