Generalitat de Catalunya

Da Wikipedia, l'ençiclopedia libara.
Va a: navigasion, serca
Sto articolo 'l 'è scrito uxando łe convension de scritura de ła GVU
Sinboƚo de ƚa Generalitat de Catalunya

El Goerno deƚa Cateƚogna (in cateƚan: Generalitat de Catalunya) l'è el nome che vien doparà par indicar el sistema aministradivo-istitusionaƚ par el goerno autonomo deƚa comunità autonoma deƚa Catełogna (Spagna). I òrgheni che i ƚa conpon xe: el Parlamento, el Consejo Esecutivo (dito anca Goerno), ƚa Presidensa deƚa Generalitat e antri òrgheni minori che i xe contenplai dal Statuo d'autonomia deƚa Cateƚogna e da altre legi.

Istitussion[canbia | canbia sorxente]

El Parlamento[canbia | canbia sorxente]

El Parlamento deƚa Cateƚogna (in cateƚan Parlament) rapresenta l'organo legislativo de controƚo deƚa Generalitat. El xe rapresentativo del popoƚo cateƚan. La funsion legislativa pol essar esersitada avalio, opur co l'aprovassion deƚe proposte presentae daƚa Generalitat. La funsion de controƚo xe sostansialmente de bancaƚeva puƚitico al poder del Goerno della Generalitat. In pi el Parlamento ga anca on rol de stimoƚo del'assion puƚitica del Goerno stes.

Altre spetansa de minor inportansa ƚe xe afidae al Parlamento daƚa legislassion e dal statuo d'autonomia deƚa Cateƚogna.

El se cata inteƚa cità de Barcełona, intel Parco deła Sitadeła.

El Presidente deƚa Generalitat[canbia | canbia sorxente]

El Presidente deƚa Generalitat (in cateƚan President de la Generalitat) xe ƚa massima espression deƚa rapresentassion de questa e el rapresenta a so olta el Stato Spagnoƚo in Cateƚogna. La so mansion xe queƚa de dar inpulso e coordinamento al'atività del Goerno o Consejo Esecutivo.

El Goerno[canbia | canbia sorxente]

El Goerno (in cateƚan Govern) xe l'orgheno titoƚar del'assion puƚitica e del'aministrassion deƚa Generalitat; el xe anca in posses de potestà legislativa e de funsion esecutiva.

Paƚasso deƚa Generalitat de Cateƚogna

El Consejo deƚe garansie statuarie[canbia | canbia sorxente]

El Consejo deƚe garansie statuarie (in cateƚan Consell de Garanties Estatutàries) xe on orgheno de nadura consultiva che tol in esame, intei casi stabiƚii daƚa lege, l'aderensa aƚo Statuo d'autonomia dei progeti e deƚe proposte de lege che xe sotoposte aƚa descussion e al'aprovassion del Parlamento.

Ligamenti foresti[canbia | canbia sorxente]

Sito ufissial deƚa Generalitat de Catalunya