Franbołer

Da Wikipedia, l'ençiclopedia libara.
Va a: navigasion, serca
Nuvola apps bug2.svg
Franboler
De le franbole
Rubus idaeus
Clasificasion sientìfega
Regno: Plantae
Divixion: Magnoliophyta
Clase: Magnoliopsida
Órdene: Rosales
Fameja: Rosaceae
Sotofameja: Rosoideae
Gènare: Rubus
Spece: R. idaeus
Nomenclatura binomiałe
Rubus idaeus
L., 1753
Segui el Projeto Fórme de vita


El franboler (nome sientifego Rubus idaeus, tod. Himbeer, ingl. Raspberry, tal. Lampone) el xe un matarelo de la famegia de le Rosaceae. Sta pianta ła crese 'ntei spazi łasà łibari 'ntel bosco dal tajo dei albari o dai incendi. I fruti rosi, ciamai frànbole, i se tira su d'istà e se i magna crui o se pol farghine marmełade, suchi o siropi.

Franbole

La fiora de solito la è tra majo e zugno e al fruto, na infrutessenža, al vien fat a partir da lujo infin a 'l otuno. Se 'l coltiva facilmente te le rejon tenperade e al à na žerta tendenža a ingenerarse in pressa.

Ghe n'è in giro tante qualità de franboler co 'n color de i fruti che al va da 'l gial infin a 'l ross scur. Esiste anca qualità che le rifioriss 4 olte te 'n an (sichè se pol magnar franbole da i ultimi de giugno infin disdenber) e qualità che le fa na unica fioridura.

Doparamenti[canbia | canbia sorxente]

Le franbole de solito le vien doparae inte'l pareciamento de marmelate, siropi e zelatine.

Cofà erba medesenal le franbole le pol vegnar doparae cofà diuretico e colagogo. El tè de fogie el xe utie contra la schita. L'estrà de le fogie e de i ochi al è consegià inte i ultimi mesi de gravianza par tonificar i muscoi de la baldona e megiorar le contrazion.

I principi ativi de la pianta i xe i tanini, la vitamina C, ell flavon e difarenti acidi organichi.

Le franbole fruti anti cancaro[canbia | canbia sorxente]

Le franbole, cusì come le giasene, rosse e more, łe fraghe e łe more, ga drento acido elasico e difarenti polifenoi che i stimola l'eliminazion dei asenti cancerozeni , i bloca ła neoanzozenese(Neoangiogenesi par tal.) e i favorisse l'apoptosi (autodistruzion) de le celete (cellule par tal.) tumorai. In pratica i giuta el sistema imunitario de l'organismo inte la batagia contro el cancaro e i vien consegiai inte le diete anti-cancaro.

Bibliografia[canbia | canbia sorxente]

  • Seeram N., Adams L., Zhang Y. et al. "Blackberry, black raspberry, blueberry, cranberry, red raspberry and strawberry extracts inhibit growth and stimulate apoptosis of human cancer in vitro" in Journal of Agriculture and Food Chemistry (2006),54,pp 9329-39
  • Servan-Schreiber D. "Anti cancro" edizioni Sperling & Kupfer, p 159