Frìtoła

Da Wikipedia, l'ençiclopedia libara.
Va a: navigasion, serca

Ła fritoła xe un dolxe tipico veneto de Carneval. Ghe ne xe diverse ricete. Una xe questa: ghe vol 400 g de farina bianca, 100 g de ùa pasa, 50 mg de sucaro vanijado, 50 g de sùcaro a velo, 50 g de denti de vecia, 25 g de lievito de bira, 2 ovi intieri, 2-3 cuciari de late, na s-cianta de sałe, ojo par frìsare. Se łasa mołare in aqua tépida ł'uva pasa par na mexora, dopo ła se scoła, ła se suga ben e ła se infarina. Se mis-cia el sucaro coi ovi e el łate, se ghe xonta ła farina, el sałe e el lievito de bira sfregołà e se fa un paston tutinsieme. Par ultimi se ghe buta drento i denti de vecia e ł'uva pasa. Se lasa lievitare inte un posto tèpido e fora dałe corenti d'aria par do ore e dopo se desfrìza el paston a cuciarà 'nteł ojo caldo. Sułe fritołe che łe vien fora se ghe buta sora, par finire, el sucaro a veło.