Fontego del Megio

Sto articoło el xe scrito in venesian.

Fasàda del Fontego del Mégio

El Fontego del Mégio, (cognosùo anca cofà Depoxiti del Megio), xe un pałaso de Venesia, situà 'ntel sestièr de Santa Croxe e afasà so'l Canal Grando, darénte al Fontego dei Turchi e danànsi ała Céxa de San Marcuoła de Canaregio.

Storia

Costruìo 'ntel XIII secoło da ła Republica de Venesia, el Fontego su'l scominsio xe stà magaxén del forménto. Po' ła speciałixasión de tałe Fontego xe pasàda al megio, ben ałimentare del qual el pałaso xe stà el sentro de racolta sitadina fin a ła cascàda de ła Republica 'ntel 1797, co' ła s'a sfantà. Ancùo ospita 'na scòła ełementàr.

Descrisión

Vista del Fontego dal Canal Grando

Fasàda de łe più descónse del Canal Grando, el Fontego del megio xe 'na tìpega strutura de fontego. La forometria xe costituìa da tre picołi portałi retangołari e da tredexe vertaùre picenine quadrangołari disposte su tre livełi. I ełementi de decoro xe esensialmente do: so ła somità 'na fiła de merli e in poxisión sentràl un basoriłievo co' Leon de San Marco, sinboło tacà su ogni edificio publico da ła Republica (l'atuałe scoltùra no xe però ł'orixinàl, che xe stàda desfàda a ła caxùa de ła Republica del Stado Venesian, ma 'na ricostrusión moderna de Carlo Lorenzetti).

Bibliografia

• Marcello Brusegan. La grande guida dei monumenti di Venezia. Roma, Newton & Compton, 2005. ISBN 978-88-365-4347-2.
• Guida d'Italia - Venezia. 3^a ed. Milano, Touring Editore 2007, ISBN 978-88-365-4347-2.

Voxe łigàe

• Pałasi de Santa Croxe

Siti indove vardàr el Fontego del Megio

• L'altra Venezia:Il Fontego del Megio
• Il Fontego del Megio - Paperblog
• Descrisión del Fontego
• Il pan del Megio e il Doge Megioto a Venezia : Venezia nascosta
• Un fià de storia del Fontego
• Storia dei fonteghi
• Descrisión curta del Fontego in fransese e in inglese
• Descrisión curta del Fontego in fransese e in inglese
• Alcune somegie
• Fonteghi, granéri e depositi
• Pagina Facebook del Fontego del Megio
• Fonte del Megio - Wikipedia
• Fondaco del Megio (Fontego del Megio)

Altri progeti

• Commons

• Su Commons ghe xe dei file multimediałi su Fontego del Megio