Flanger

Da Wikipedia, l'ençiclopedia libara.
Va a: navigasion, serca

El Flanger el xe un efeto musicałe ełetronego reałixà mediante l'inpiego de 'na lìnia de ritardo, co' tenpi patocaménte łonghi fin a qualche dexéna de miłisegondi), atraverso ła qual vien fato pasar el segnałe da tratar. El segnałe cussì retardà vien misià co'l segnałe orixinałe, faxendo cussì che vegna fata ła casadùra de quełe frequense che se cata in opoxisión de faxe (efeto Comb Filter o Filtro a Pètene, par ła carateristega forma del segnałe cussì tratà, co' scałumà a ł'anałixatór de spètro).

El són cussì rixultante prexenta pichi de risonansa ponti de asensa del segnal audio; modułando el tenpo de retardo de ła łinea de retardo mediante un LFO co' periodo un mucio łongo (soto el sec), ł'efeto sarà de evanesensa su ł'intiera gama del spètro audio, simiłe al rumor de n'aereo a reasion che pasa darénte.

Ulteriormente, introduxendo 'na dada persentual de retroasion (feedback) su ła łinea de retardo, esendo i tenpi che xe inpiegài tanto łonghi, se produxarà un aumento del Q 'ntei pichi de risonansa, xonxendo progresivamente ad un efeto Larsen. In ste condision, el són tratà dal flanger risultarà un mucio pasà e tendesialmente metałico.

Deve el so nome ała tecnica co' ła quałe xe stà inventà 'ntei ani sinquanta: el tecnico del son, riprodusendo 'na cordeła co' parte de ła registrasión in corso, strucava col dèo masapeòci (połice) el ruło presór in goma (pinch roller) del registrator, fletendoghene (flanging) łixiermente ła poxisión e infistegando un dexałineamento de łe pista rispeto ała testina. El misiòto del son orixinal e de queło tratà, ghe dava orìxene a ł'efeto in custión.

Voxe łigàe[canbia | canbia sorxente]