Fiłetatura
Da Wikipedia, l'ençiclopedia libara.
El termino fiłetatura el se aplica a do roba fra de lore łigà:
- tipo de costrusion mecànega bona de far su n'acopiamento ełicoidale tra do ełementi;
- operasion che ła porta a la creasion de sto acopiamento.
Comunamente, ła strutura che ghin deriva la vien ciamada fiłeto'. Normalmente el fiłeto el tol su l'aspeto de on solco ad andamento ełicoidałe, incavà so de na superfisie ziłíndrica o cònega. In seszion longitudinal, sta strutura la ga dei apici esterni (ciamadi creste) e apici interni (ciamadi fondi). Co che la fiłetatura la vien fata esternamente al toco in question la tol su el nome de vida, co invesse la vien efetuà internamente a un toco, la se ciama vidamare.
