Fagaro
Da Wikipedia, ła ençiclopedia lìbara.
 |
||||||||||||||
 Fagus sylvatica |
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Fagus sylvatica L. |
El Fagaro(o fagher, faghera o fasa) ( todesco: Buche, inglexe: beech, sloveno: bukev, taljan: faggio) (Fagus sylvatica L.) el xe 'n albaro del genare Fagus e delła fameja dełe Fagaceae.
Indice |
[modìfega] Descrision
Fagus sylvatica L. el xe na pianta ke ła riva fin ai 25 - 30 metri. Ła ga foje ovałi e sensa pełeti, pi ciare 'nteła parte soto; łe vien fora dal ramo in modo alterno, lustre su tute do łe face, con orlo a curvète. In utuno łe ciapa un cołor arancion o roso-bruno. El fagaro el ga na scavejara de rami fisa con tante foje e ła se riconose anca da distante parkè ła xe tonda e larga, coi rami in sima driti e verticałi.
I fiori maskiłi i xe tondi e verdi, kełi feminiłi, verdi anca łori, i xe drento na spece de saketo. I vien fora in majo. I fruti i xe grosi,rosi, drento risi divixi par 4 valve.
 Foje |
 Foje |
 Fiori |
[modìfega] Difusion e habitat
Ł'areałe de distribusion el va ła dała Svezia meridionałe e dała Norvegia) a nord, fin ał'Italia centrałe e ała Penisola Iberica a sud e ad est fin ała Turchia de nord-ovest dove el se mis-cia col Fagus orientalis. In Italia el se trova sułe Prealpi e Alpi sora i 700 metri e sui Apenini, sora i 1000 metri. In quota el fagaro el se mis-cia tante volte coł'albèo roso, col tana e col pino. pi in baso el pol fare boschi soło lu (boschi cedui, de fagaro).In Veneto el bosco pi grando de fagari xe ła Foresta demaniałe de Giazza drento el Parco Regionałe Veneto deła Łesinia.
[modìfega] Legno
El legno de fagaro el xe un bon legno da bruxare, ma el vien doparà anca par far careghe, mobiłi, majołi, pavimenti(Parquet) e atrèsi da cuxina.
[modìfega] Bibliografia
Sandro Pignatti. Flora d'Italia. Bologna, Edagricole, 1982. ISBN 8850624492
T.G. Tutin, V.H. Heywood et alii. Flora Europea. Cambridge University Press, 1976. ISBN 052108489X
[modìfega] Altri progetti
Su Commons ghe xe dei file multimediałi su Fagaro
Wikispecies contiene informazioni su Fagaro
