Edward Weston (chìmego)

Da Wikipedia, l'ençiclopedia libara.
Va a: navigasion, serca
Weston Edward scientist.jpg

Edward Weston

Edward Weston (Oswestry, Shropshire, Inghiltera, 9 de majo 1850Montclair, New Jersey, USA, 20 de agosto 1936) xe stà un chìmego, ingegnere e inprenditór statunitense, rivałe de Thomas Alva Edison.

Nato in Inghiltera, trasferìo pì tardi inte i Stati Unìi, Weston xè ricordà par i so laori so ła galvanostegia, so łe cełe ełetrochimeghe (tra cui ła piła Weston) e so łe mixure ełetrighe. Xè stà anca un concorente de Thomas Edison inte ło sviłupo dell'industria de generasion e distribusion de ła corente ełetriga.

Biografia[canbia | canbia sorxente]

Nato inte'l 1850 da na faméja de comercianti, Weston gà studià medexina, ma, pian pian, se gà senpre pì avicinà ała chìmega. Gà dovùo emigrar inte i Stati Unìi dopo el diploma in medexina, inte'l 1870, e gà catà laoro inte'l setór de ła galvanostegia, 'nddove se gà interesà de generasion de corente e gà inventà diversi xeneratori e dinamo. Dopo calche ano gà fondà có altri soci ła Weston Electric Light Company, a Newark, New Jersey, vinsendo anca na gara pà ła fornitura par inluminàre el ponte di Brooklyn.

Xè stà prexidente dell'American Institute of Electrical Engineers (Istituto Americàn de i Ingegneri Ełetrisi) dall'1888. Gà inventà do leghe metałiche, ła costantana e ła manganina, dopàrae ancora on cò pà łe mixure ełetrighe. Gà poi sviłupà strumenti de mixura de ła corente ełetrega e inte'l 1888 el tacà a gestir ła Weston Electrical Instrument Corporation, che xè divegnùa famoxa inte'l mondo par i voltmetri, anperometri, contatori, mixuratori de rexistensa e frequensa, trasformatori e traxdutori.

Gà catà un metodo par produre magneti permanenti, un tachimetro magnetico e l'anperometro sol cruscoto de łe Harley-Davidson. Gà brevetà ła piła Weston inte'l 1893, na piła che ła xenera un voltagio pitosto stabiłe inte'l trascorare del tenpo, dopàra pà ła całibrasion in laboratorio dei voltmetri. El coeficiente de tenperadura xè ridoto grasie all'introdusion de un mecanixmo de nò saturasion, divegnùo ło standard moderno. Inte'l 1911, cò che ła piła Weston xè divegnùa ło standard internasionałe pà ła forsa ełetromotrise, Weston gà rinuncià ałe so royalty de breveto.

Inte'l 1936, Weston morì a Monclair inte'l New Jersy, dopo 'ver registrà 334 breveti 'mericani.

Altri projeti[canbia | canbia sorxente]