Domenico Montagnana
Da Wikipedia, ła ençiclopedia libara.
Domenico Montagnana (Łendinara, 25 de giugno 1686 – Venezsia, 1750) el xe stà un liutaio venezsian.
El xe sta uno dei liutai pì bravi del so tenpo. I so viołini e i so' viołoncełi i xe parecio ricercà sia dai mùxeghi che dai cołezsionisti, sia privati che muxei. On so toco autentico el połe valer anca dei zsentenari dei mijaia de euri.
Indice |
[modifica] Biografia
Montagnana el xe nato a Łendinara, RO in tel 1686. El ga tacà a fare strumenti a corde (viołini, viołe e viołoncełi) a Venezsia in tel 1701.
Durante ła so cariera come maestro liutaio el ga frequentà alcuni tra i pì inportanti costrutori del tenpo come Pietro Guarneri e Matteo Gofriller.
Ła so botega, zà ativa 'ntel 1711, ła se catava in Całe dei Stagneri, a Venezsia.
In tel 1730 el ga disegnà on speciłe tipo de viołin, ma el xe mejo conosùo par i so viołoncełi, che i xe considerà de grande quałità par i concerti.
El xe morto a Venezsia 'ntel 1750.
[modifica] Łigamenti co artisti
Pareci dei so tochi i xe ancora in circołazsion, 'doparà da muxeghi famoxi o i fa parte de cołezsion publiche o private. A sona o i ga sonà co on Montagnana artisti del całibro de Lionel Tertis, Lynn Harrell, Mischa Maisky, Truls Mørk, Alfred Wallenstein, Josef Roismann, Yo-Yo Ma, Maurice Eisenberg, Emanuel Feuermann, Daniel Saidenberg, Orlando Cole, Nathaniel Rosen e Ralph Kirshbaum.
[modifica] tochi famoxi
- Petunia (1733) - de proprietà de Yo-yo Ma
- Feuermann (1735) - cołezsionista svizsero
- Sleeping Beauty (1739) - tegnù da Heinrich Schiff
- Baron Steinheil (1740) (
- Duchess of Cleaveland (1740) (non se sa chi ło ga)
- Ex-Servais(1738) - tegnù da Nathaniel Rosen
