Discussion:Pajina prinsipałe

Quà se discùte de ła pajina prinsipałe de vec.wikipedia

• Par domànde sol funxìonàmènto de Wikipedia rivolxìte a ło Sporteło informasion
• Vuto parlar cò altri Wikipediani? Varda pure el posto de łe Ciàcołe
• Par lassar i to comènti so Wikipedia servìte inveçe de Pareri so Wikipedia
• Par ajornar ła pajina de discussion
• Par vedare l'archivio de łe vecie discussion struca quà

Rinovamento pajina prinsipałe

Par mi i pi belini i me par quelo lavanda-cełeste, e magari quelo verde aqua de Frigotoni (ma bisognarìa vedarlo nel contesto de la pagina intera). El cremisi e i azuri/verdi qua in fondo i xe massa carghi, i disturba i oci. Prové magari qualche tonalità simile ma pi tènara. Tra i loghi me piase de pi el clàssico "globo" che el libro Candalua 14:50, 15 feb 2011 (CET)

So d'acordo, el cołor de sfondo nó 'l ga da far tirar i oci. Tien conto che i cołori che go proà inte ła sandbox i xe mesi a caxo tanto pa' proar... El globo e 'l libro i xe ciapai da altre wiki foreste, vołendo se podaria anca crear un sfondo orixinałe nostro... D'ogni modo tra i do xe mejo, anca secondo mi, el globo.--GatoSelvadego 15:40, 15 feb 2011 (CET)

Oltre al mio, anca a mi me piaxe cuèło version lavanda-cełeste! Xè anca vero che forse cuèło mio xè on fià massa intenso... Me par infin che 'l globo vada ben a tuti.--frigotoni^{(dime tuto queo che te vui)} 15:47, 15 feb 2011 (CET)

Cuà vegnarà publicae łe varie proposte de pajina prinsipałe. Pa' ła discusion continuemo cuà soto.--GatoSelvadego 16:03, 15 feb 2011 (CET)

Intanto go meso un primo aboso: go soło che canbià 'l header e uniformà i cołori de łe cartełe...--GatoSelvadego 16:26, 15 feb 2011 (CET)

A mi ła pajina prinsipałe me piaxe tuta intera overo sensa cołone, a voaltri ve piaxe de pì intera o co' do cołone?--frigotoni^{(dime tuto queo che te vui)} 15:47, 16 feb 2011 (CET)

Mi sensa dubio ła vuria co do cołone, comunque spetemo anca altri pareri. --Vajotwo (posta) 15:58, 16 feb 2011 (CET)

Ma, devo dir che anca tuta intiera ła ga el so fasino... Ti comunque te ghe da portar vanti ła to proposta de pajina come che te preferisi, tanto dopo xe probabiłe che faremo un smisioto ciapando łe robe mejo da łe varie proposte :-) Mi intanto go in cantier un fià de canbiaminti da far so' me aboso: voria doparar el modèl alternate pa' łe wiki in altre lengue e voria crear na sesion ligà a vec.wikisource (ma prima go da sentir Candalua)...--GatoSelvadego 16:11, 16 feb 2011 (CET)

Gò fato qualche prova par el riquadro de Wikisource, lo vedì su Pajina_prinsipałe/Rinovamento/Gato con l'imagine e su Pajina_prinsipałe/Rinovamento/Toni sensa imagine. A la fine credo che la colona de destra sia el posto mejo, visto che i testi i sarà in zenere pi alti che larghi. Però su l'aboso de Gato me par massa streta la colona... su quelo de Toni ghe la vedo zà mejo. Dopo a seconda de quanto vien longa la colona sentrale, se pol védar de usare o no l'imagine.

Qualche osservassion:

• visto che zà ghemo tante robe da farghe star, credo che no convegna sprecar massa posto par "altre lengue" e "altri projeti", quindi +1 par l'idea de Gato de riunirli a fondo pagina ognuno co la so lengueta.
• le Avertense se podarìa, za che ghe semo, riscrìvarle in modo pi sintetico.
• par el resto, l'aboso de Toni ispirà da it.wiki el me piase come layout, la me par più "pulita" de quela de Gato, su cui provarìa magari a cavar l'azuro del titolo e le onbregiature, e lassarla più essenziale e più coerente come colori, tegnendo la conbinassion rosso-zalo che xe i colori de Venexia.

P.S. ma na bela bandiera veneta nel canton in alto a destra... mi quasi quasi ghe la metarìa... ;-) Candalua 22:52, 7 mar 2011 (CET)

Oro, benon. So le linguete ghe go meso el alternate in modo che co te ajorni ła pajina se ghi n' veda una de diversa ma so ncora drio perfesionar el mecanismo... Par ła bandiera no so se ghe xe posto, mi al inisio pensavo a un leon andante co libro verto in trasparensa in xona wikiglobo (so'l header)... Invese se cato un leon in mołeca co na licensa libara ło meto so'l canton sora a drita cofà link al anbasada :-) --GatoSelvadego 23:14, 7 mar 2011 (CET)

Gò visto i vari canbiamenti e digò che ła parte de Wikisource cò n'imagine ła vien molto mejo anca se 'nte 'l me aboso nò ghè xè pì spasio.--frigotoni^{(dime tuto queo che te vui)} 21:45, 8 mar 2011 (CET)

Spostando łe avertense da calche altra parte te ghi ne guadagnarisi racuanto de spasio.--GatoSelvadego 18:20, 9 mar 2011 (CET)

Nova pajina prinsipałe: Frigotoni style

De sicuro ła xe mejo de cheła prima (e anca pì beła de cheła de it.wiki). Visto che ghevi intension de canbiarla gavì fato ben a metar cuesta (ła mia ła xe ncora in alto mar: ve baste pensar che ła prevede łe ricorense... e savì benisimo in che stato che łe xe łe voxe de i vari xorni cuà so vec.wiki... łe xe vode e cuindi mancaria el contegnuo). Secondo mi saria sta mejo che el canbiamento de ła pajina prinsipałe el fuse sta na decixion cołetiva de ła comunidà e no de do wikipediani, ma dato che se trata de un canbiamento in poxitivo diria che se połe sarar un ocio...
Me permeto un par de considerasion so ła nova pajina. Intanto scominsio dixendo che par deso xe mejo tegnerla semi-proteta (ga raxon Vajo, ghe n'è de łe robete da sistemar). Faso notar anca che:

1. Ła parte dedicà a WikiSource no ła xe gnancora pronta: se tegnemo "Ła biondina in gondołeta" par senpre? Ghe vołe na sełesion de brevi testi a rotasion (donca gavarià spetà a partir co ła pajina nova, no xe beło 'ver łe robe fate a metà).
2. L'anbasada là in fondo ła xe scuaxi invixibiłe, almanco secondo mi.
3. Riorganixaria 'l ordene de ła colona de drita: wikisource sta ben là in fondo, forsi metaria pì su ła parte su cosa che xe wikipedia e 'l so aspeto comunitario... Secondo mi bixogna che chełe robe łe se veda anca sensa far scroll co'l sorxe... Se no finise che 'l utente el vae direto a ła pajina che ghe interesa e cusì no'l scopre che se pol anca contribuir (invese ghemo da far in modo che'l divente un wikipedian, secondo mi).
4. Proverbi: cuanti ghi ne xe stai mesi? (steso discorso de wikisource).
5. Va canbià l'icona del proverbio (secondo mi) e cheła de ła parte so wikisource.

Par deso no me vien inamente altro. Justo i me do franchi.--GatoSelvadego 15:23, 15 mar 2011 (CET)

Ghe xe anca calche tochetin de codexe inutiłe (problema prexente anca so ła pajina prinsipałe de it.wiki), poso rimoverlo (ła pajina ła diventarà pì lejera ma dal ponto de vista vixivo ła sarà conpagna de deso)? --GatoSelvadego 19:50, 15 mar 2011 (CET)

Par mi proçedi pure, basta soło che, come te me ghe asicurà, ła grafica e a resti ła stesa de desso --Vajotwo (posta) 20:18, 15 mar 2011 (CET)

Ecome cua. Ełora mi pensavo de crear do modèłi par Wikisource e 'l Proverbio in modo da alternarli. Tutavia mi nò son pratico cò i testi de Wikisource, donca diria che el Gato pòl ocuparse de cuesto (se el va ben ;-)) mi penso ai proverbi+ła pajina Scachi che come gò za dito vojo portarla en vetrina. Parchè nò łe va ben łe icone? Famè vedare quałe xè el codexe che nò pol esar uxà.--frigotoni^{(dime tuto queo che te vui)} 21:30, 15 mar 2011 (CET)

Nò capisso sta selta brusca da parte de Marco, tutavia mi e el Gato nò semo sysop (mi no, lu non ancora), e gavèmo bexogno ancora de far modifghe, cuindi saria ben rimetere na semiprotesion. El Gato me gà da spiegare anca l'espresion Justo i me do franchi :-) grasie. --frigotoni^{(dime tuto queo che te vui)} 22:28, 15 mar 2011 (CET)

Par WikiSource cogna che Candalua ne fasa na sełesion de testi (gnanca mi so pratico co wikisource) opur, se posibiłe, saria oro pescar diretamente da ła vetrina de ła so pajina prinsipałe... Par łe icone: de fianco a Wikisource secondo mi ndaria l'icona de wikisource; de fianco al proverbio te ghe meso el całendarieto no ghe xe na imaxine pì indicà? De sołito cheła ła xe l'icona de łe ricorense. Pa' el codexe: par exenpio sto toco cuà che xe so'l header (linea 11) se połe anca cavarlo

<span class="plainlinks" style="font-size:90%;"></span>

In mexo a che'l span là ghe ndava, inte'l orixenałe, el link a ła version mobile de wiki, ma visto che te ła ghe cavà saria mejo cavar anca el resto (Na curioxità: el riciamo a ła clase plainlinks el serve par no far vedare el clasico sinbołeto de i link esterni, overo che ła speçie de freceta...). So i me "do franchi": saria ła venetixasion del espresion Just my two cents... vołendo gavaria podesto dir: "schei", "pałanche", "monede"... forsi ła tradusion mejo saria "Justo łe me do pałanche", ma franchi sona mejo... se uxa (o se uxava co ghe jera łe lire) anca da łe vostre parti el termine "franco" pa' i schei?--GatoSelvadego 23:13, 15 mar 2011 (CET)

Ve go ripristinà ła semiprotexion. Spero che no i ghe meta oncora łe man sensa savere el parché de sta semiprotexion. --Vajotwo (posta) 14:40, 16 mar 2011 (CET)

Pa' łe icone, nò gò cata altre imagini cusì cioè de ło steso modèło de quełe uxae ora.--frigotoni^{(dime tuto queo che te vui)} 14:55, 16 mar 2011 (CET)

Se pol anca doparare ła funsion (pa ła pajina prinsipałe: Vetrina, proverbi, Wikisource) #switch opur el {{Multiview}}.--frigotoni^{(dime tuto queo che te vui)} 15:51, 16 mar 2011 (CET)

No va ben el logo de wikisource che go doparà mi so'l me aboso?--GatoSelvadego 19:32, 16 mar 2011 (CET)

Toxi, deso ła pajina ła pol esar riblocà?--Toni (msg) 19:44, 4 giu 2011 (CEST)

Mi saria par tegnere oncora ła semiprotexion visto che no ghe xè stai vandałismi da parte de utenti rejistrai fin desso e visto che i IP no i podaria comunque far dani. Comunque łasso a voialtri l'ultima paroła, dixime quałe protexion preferio ... --Vajotwo (posta) 10:03, 5 giu 2011 (CEST)

Bè, gò proposto ła protesion totałe parchè ła xè ła pajina par antonomasia (nò xè na question de vandałismi: chi vuto che se rexistri par vandałixar ła pajina prinsipałe?, ma par modivi tecnisi), e d'ogni modo ghè xè Joani, Marco e Vajotwo che i pol senpre canbiarla. PS: A proposito de vandałismi gò visto che te ghè rollbackà uno so ła pajina de marco, ma nò te ło ghè blocà... Ghèto perso la "fiducia" del bloco?--Toni (msg) 15:00, 5 giu 2011 (CEST)

Ma, secondo mi 'a poeva restar anca co na semiprotesion.... Xe anca vero cheło che dixe Toni però: de sołito chel tipo de pajina ła va proteta totalmente. A propoxito de pajina prinsipałe anca voaltri ve capita de 'ver problemi lexarla? Ogni tanto ghe xe ła vetrina che ła va finir sora el saveito che...--GatoSelvadego 17:21, 6 giu 2011 (CEST)

Go zà proveduo a protexarła totalmente quindi desso xè tuto a posto. Comunque no, a mì no capita de vedare małe ła pajina prinsipałe; quałe browser te sì drio uxare? --Vajotwo (posta) 19:45, 6 giu 2011 (CEST)

Ma, no credo che dipenda dal browser. Me capita sol che co serte voxe de vetrina, 'e pì longhe, no co tute. D'ogni modo a go visto che ultimamente te ghe fato un par de canbiaminti so 'a vetrina. De seguro sti problemi i go vudi prima che te faxisi ste ulteme modifeghe, dopo che te 'e ghe fate no go pì notà sti problemi, ma xe anca vero che no go pì vardà 'a pajina prinsipal. PS: mi pa' 'a cronaca navigo co'l panda roso...--GatoSelvadego 22:32, 6 giu 2011 (CEST)

Ajornamento: continuo 'ver problemi de vixuałixasion co ghe xe ła voxe Republiche Marinare in vetrina. Ła riga de contorno de ła didascałia ła taja ła parte sora de "Ło saveito che", senpre inte ła didascałia no se lexe Amalfi che'l vien coerto dal sinboło soto. Ma dipende da łe dimension del schermo: oviamente se diminuiso, overo no vardo ła pajina a schermo intiero, el testo se slonga e de conseguensa el problema el sparise.--GatoSelvadego 13:36, 7 giu 2011 (CEST)

Donca, el brousér no'l gà nissun problema... Xè proprio ła pajina prinsipałe, o mejo ła Vetrina. Ło steso problema vegneva fora anca so Aqua, cussì gò dovuo canbiar el ridimensionamènto del'imagine. Bixognaria far ło steso anca pa' ła voxe Republiche Marinare. Evidentemènte a Vajo nò xè mai aparso, a causa deło #switch. A ocio me pare che soło queła voxe ła gà sti problemi...--Toni (msg) 18:22, 10 giu 2011 (CEST)

Xe na cuestion de grandesa del schermo. Go proà co 'n altro schermo pì picoło e no go vudo sti problemi... El che xe bastansa logico: i spasi de łe cołone inte ła pajina prinsipałe i xe regołai in persentuałi, se te ghe un schermo grando el testo se schicia e de conseguensa te ghe i problemi co'l imaxine... Magari xe par cheło che Vajo no'l vede nisun problema (gheto un 17"?). No xe dito che ghe sia na sołusion definitiva, magari sistememo pa' i 19" e credemo che vaga ben, dopo riva uno che ga un 22" e 'l vede łe robe sovraposte...--GatoSelvadego 18:46, 10 giu 2011 (CEST)

Mi uxo on Sony VAIO co schermo da 15.4 połici co na risołuxion de 1280x800 --Vajotwo (posta) 19:33, 10 giu 2011 (CEST)

Łora forsi xe propio par cheło che no te vidi nisun problema.--GatoSelvadego 17:46, 26 giu 2011 (CEST)

Wikipedia in Tatar

Dear friends, may I ask you to add a hyperlink to our Tatar Wikipedia (http://tt.wikipedia.org) to yourr Front page. Tatars - are turkic nation living in Tatarstan Republic, second biggest nation in Russian Federation. hope to hear from you soon. sincerely yours, Muhtac 23:02, 20 mar 2011 (CET)

Done with pleasure. Indeed excuse us for not having done it before. For any other requests please feel free to contact us at any time. --Vajotwo (posta) 13:18, 21 mar 2011 (CET)

Sa ele ste "x"?

Mi non capiso mia sa sono ste X, magari lè parchè mi son da Verona, ma mi so ben che en tuto el Veneto se dise " se " e non scapiso mia sa son ste x che sostituiscono tute le se e le s. mi spero in nà resposta. anonimo — El preçedente comènto nó firmà el xè stà inserio da 82.56.186.83 (discussion • contributi), in data 18:03, 16 oto 2011‎.

Varda cuà: Wikipedia:Grafie venete.--GatoSelvadego 20:22, 16 oto 2011 (CEST)

Mini-Restyling

So drio proporve staolta, un picoło restyling al nostro header. Podi catare qui el miglioramento e confrontarlo col presedente. In sostansa gò zontà on novo logo, l'aceso sicuro co'l protocoło HTTPS, ła data, e de łe icone. Se ve piaxe sto novo header, ghe saria anca da sejare se vołemo tegnere ła data o l'aceso pà i dispositivi mobiłi (tuti e do me par exagerà). Ghè xè da dire anca che ła version pì ristreta ła xè oncora in Beta. Pareri?--Frigotoni (msg) 16:13, 27 dis 2011 (CET)

Par mì ndaria benissimo anca cussì, par quanto riguarda i dispositivi mobiłi, mì diria de tegnere l'aceso. Comunque te fasso i me conplimenti, desso xè vegnua fora proprio ben. --Vajotwo (posta) 19:40, 28 dis 2011 (CET)

Toxi, mi ło gò aplicà. Se nò ve piaxe podemo senpre rimetare l'altro. Intanto gò zontà l'aceso pà i dispoxitivi mobiłi e gò oscurà ła data. Podì senpre canbiare, se vułi.--Frigotoni (msg) 19:51, 28 dis 2011 (CET)

Me piaxe. Bel laoro. El logo de sfondo preferivo chel de prima, ma va ben anca cuesto. --GatoSelvadego 15:08, 31 dis 2011 (CET)