Discusion:Kagera

Contenuti de pajine no soportà in altre łéngue.
Da Wikipedia, l'ençiclopedia libara.

Ła situasion ła xe pi' conplesa rispeto a cofà ła vien descrita.

El Kagera el se forma in una xona piena de łaghi e de pałù al confin tra Rwanda e Burundi (łago Rweru); pi' a monte soło che na parte de sti corsi de acua łi xe cognosui col nome de Kagera: indando verso monte el xe cognosuo cofà Akagera, Nyabarongo e co altri nomi.

No ghe xe dati serti so łonghesa o portada de acua che rende difisiłe capir se el ramo prinsipal el xe el Nyabarongo, el Akanyaru (considerà un afluente del Nyabarongo ma anca uno dei rami sorgentiferi de l'Akagera) o diritura el Ruvubu (afluente de drita del Kagera che nase in Burundi).

Da ultimo xe da considerar che a łe acue de el łago Vitoria contribuise molti altri afluenti e anca łe precipitasion che casca diretamente int'el łago (ma anca in sto caxo ghe xe pochi dati e poco concordanti), donca el Kagera podaria anca no eser el pi' inportante dal ponto de vista idrołoghego. --Ciaurlec (msj) 13:01, 23 giu 2013 (CEST)

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Discusion:Kagera&oldid=537922"